«Мөңге, бузулбас күрүнени дээрде саадаан Бурган тургузуп каар» (Даниил 2:44, Ыдыктыг Библия тыва дылда).

«Оолду биске берген болгай! Эрге-чагырга демдээ ооң эгиннеринде» (Исайя 9:6).

• Чөптүг чазак силерниң чуртталгаңарны экижидиптер (Исайя 48:17, 18).

• Келир үеде чаа делегейде тергиин кадыкшылдыг болгаш аас-кежиктиг болур силер (Ажыдыышкын 21:3, 4).

Ийе, аңаа бүзүреп болур каш чылдагаан бар, чижээ:

• Бурганның Чагыргазы кижилерге чүнү кылыптарын Иисус Христос көргүскен. Бурганның Чагыргазы чедип кээриниң база черге Бурганның күзел-соруу чогуп бүдериниң дугайында мөргүүр кылдыр, бодунуң өөреникчилерин Иисус өөредип турган (Матфей 6:9, 10). Ол Чагырганың келир үеде Баштыңы болганда, Иисус ол мөргүлге харыы канчаар бүдерин херек кырында көргүскен.

  Иисус черге чурттап чораан үезинде аштаан улусту чемгерип, аарыг улусту экиртип, безин өлген улусту диргизип турган! (Матфей 15:29—38; Иоанн 11:38—44). Ол дээрге Бурганның Чагыргазының албатыларын кайы-хире кайгамчыктыг чуртталга манап турарының баш удур көргүзүү болган (Ажыдыышкын 11:15).

• Бурганның Чагыргазы чоокшулаан деп делегейде болуушкуннар бадыткап турар. Чагырга тургустунарының барык мурнунда кижи төрелгетени дайыннардан, аш-чуттан болгаш чер-шимчээшкиннеринден хилинчектенир деп Иисус өттүр чугаалаан (Матфей 24:3, 7).

  Шак ол чүүлдү бөгүн көрүп турар бис. Ынчангаш удавас Бурганның Чагыргазы делегейде бүгү бергелерни шиитпирлептер деп, чигзинмейн барып болур бис.