¿Aybal jun lista awuʼunik ta swenta peliculaetik, kʼayojiletik sok libroetik te ma xjuʼ ta tuuntesele?
Maʼyuk. Te organización kuʼunkotike maba ya stsabotik te bin película, kʼayojiletik sok libroetik te ya xjuʼ ya jtuunteskotike. ¿Bin yuʼun?
Te Biblia ya yalbotik te jpisiltik ya skʼan ya jnoptik stsajtayel te bintik lek sok te bintik ma lekuke (Hebreos 5:14).
Bayal mantalil ya jtatik ta Biblia te ya skoltayotik ta stsael ta swenta te bintik ya jkʼasestik kʼajkʼal-ae. a Spisil te bintik ya jnoptik spasel ta jkuxlejaltike, ya jkʼantik te spisiluk ora ya jchʼuuntik te bin ya yal te sJun Efesios 5:10 te jich ya yale: «Soc naʼahic stsahtayel te bin lec yoʼtan yuʼun te Cajwaltique».
Te Diose yakʼojbey yaʼtel te meʼil tatiletik yuʼun jaʼ ya yalik te bintik ya xjuʼ ya skʼasesik kʼajkʼal-a te machʼatik ay te yutil snae (1 Corintios 11:3; Efesios 6:1-4). (1 Corintios 11:3; Efesios 6:1-4). Jaʼukmeto ta congregación maʼyuk machʼa yichʼoj yaʼtel ta yalel te ma lekuk ta ilel jun película, kʼayojiletik o te bintik ya xkʼax ta televisión sok te jaʼ ya yakʼ ta chʼuunel te snopjibal yuʼune (Gálatas 6:5).
a Te Biblia jamal yal te chopol spisil te pasbeyel yaʼtel te chopol espirituetike (espiritismo), te yalel ta mulil, te utsʼinwaneje, jaʼ yuʼun spisil te bintik ya spukbey skʼoplal ini maba lek ya yil te Diose (Deuteronomio 18:10-13; Efesios 5:3; Colosenses 3:8).
Yaniwan amulan-euk sk'oponel ini
LOKʼOMBAETIK TA PISARRON
Te bideojuegoetik: Tsajtaya te bin-utʼil ya atuuntese
Tʼujbil te ya xtajinotik sok te bideojuegoetik, pero ya skʼan ya jtsajtay jbatik. ¿Bin ya xjuʼ ya apas yuʼun maba ya xjelawat?
CAMPAÑA ESPECIAL
Ila bin yilel te nojptesel
Kʼana nojptesel ta Biblia te maba tojbil sok jtul testigo ya snojptesat.