¿Kʼusi chanop ta sventa li Vivliae?
¿Mi jaʼ van...
-
... slivro j-alimanetik?
-
... jlik livro ti chal jecheʼ loʼile?
-
... Skʼop Dios?
¿KʼUSI CHAL LI VIVLIAE?
«Laj yakʼ ta naʼel Dios skotol li Tsʼibetike» (2 Timoteo 3:16, Xchʼul Kʼop Dios sventa Achʼ Balumil.)
¿KʼUXI TA JTABETIK SBALIL?
Ta jtabetik stakʼobiltak li kʼusitik ta HS.2jakʼbe jbatike (Proverbios 2:1-5).
Ta jtatik lekil beiltaseletik sventa li kʼusi ta jpastik jujun kʼakʼale(Salmo 119:105).
Ta jta spatobil koʼontontik (Romanos 15:4).
¿MI XUʼ JCHʼUNTIK TI MELEL LI KʼUSI CHAL VIVLIAE?
Xuʼ, oy oxib srasonal:
-
Jmoj li kʼusi chalbe skʼoplale. Te van 40 ta voʼ viniketik la stsʼibaik li Vivlia ti jalij 1,600 jabile. Jutuk mu skotoluk li viniketik taje muʼyuk laj yojtikin sbaik, pe li Vivliae muʼyuk chjelilaj li kʼusi chale xchiʼuk jtos noʼox li kʼusi mas chalbe skʼoplale.
-
Muʼyuk kʼusi la smukik kʼalal la stsʼibaike. Li j-al-loʼiletike nopem xaʼiik ti tsmukik kʼalal chlaj ta tsalel li slumalike. Pe jaʼuk li buchʼutik la stsʼibaik li Vivliae muʼyuk la smukik komel li smulike, mi jaʼuk li kʼusitik chopol la spas li slumalike (2 Kronikas 36:15, 16; Salmo 51:1-4).
-
Chkʼot ta pasel li kʼusi yalojbe xa onoʼox skʼoplale. Li Vivliae yaloj xa onoʼox ti chichʼ jinesel li voʼneal lum Babiloniae, te van chib sien jabil albil xa onoʼox skʼoplal (Isaias 13:17-22). Maʼuk noʼox laj yal kʼuxi chichʼ tsalel li lum taje, yuʼun laj yal xtok kʼusi sbi li buchʼu tstsalvane (Isaias 45:1-3).
Oy to kʼusitik yan ti yalojbe xa onoʼox skʼoplal li Vivlia ti jech kʼot ta pasel kʼuchaʼal yaloje. Li kʼusitik taje, ¿mi mu jaʼuk chakʼ jchʼuntik ti jaʼ yakʼoj ta naʼel Dios li Vivliae? (2 Pedro 1:21).
JAKʼBO ABA
¿Kʼuxi xuʼ skoltaun li Skʼop Diose?
Chatabe stakʼobil ta ISAIAS 48:17, 18 xchiʼuk ta 2 TIMOTEO 3:16, 17.
Xuʼ van chakʼupin skʼelel xtok liʼe
KʼUSITIK TSJAKʼIK TA SVENTA VIVLIA
¿Kʼusi jaʼ li Vivliae?
Lik chano li Skʼop Diose ti xkoʼolaj ta jun kʼupil sba xanvale.
KʼUSITIK TSJAKʼIK TA SVENTA VIVLIA
¿Kʼusi skʼan jpastik sventa xkaʼibetik smelolal li Vivliae?
Xuʼ me xatabe sbalil li aʼyejetik chal ti toj tsots skʼoplale.
LI KʼUSI BAʼYEL SKʼAN JCHANTIK TA VIVLIAE
¿Kʼu yuʼun xuʼ jchʼuntik ti melel kʼusi chal li Vivliae?
Mi jaʼ laj yakʼ ta tsʼibael Dios li Vivliae, mu xkoʼolaj kʼuchaʼal yan livroetik un bi.
JKʼOPLALKUTIK
¿Kʼu yuʼun skʼan jchantik li Vivliae? (video ti mas nate)
Li Vivliae ta smiyonal noʼox krixchanoetik skoltaoj sventa stabeik stakʼobil li kʼusitik mas tsots skʼoplal tsjakʼbe sbaike. ¿Mi chakʼan chata li koltael taj eke?
