Job 26:1-14
26 Xi la stakʼ li Jobe:
2 «¡Ti kʼu xa noʼox yelan akoltaoj li buchʼu chʼabal lek yipe!
¡Ti kʼu xa noʼox yelan apojoj li buchʼu muʼyuk lek stsatsale!+
3 ¡Solel lek la atojobtas li buchʼu chʼabal spʼijile!+
¡Solel lek jamal* laj avakʼ ta ilel li apʼijile!
4 ¿Buchʼu ti chakʼopon avalojexchiʼuk buchʼu laj yakʼ anaʼ li kʼusitik laj avale?*
5 Li buchʼutik chʼabal sjuʼelik ti chamemik xae chnikik ta xiʼel;mas to olon oyik, jaʼ mu sta li nab xchiʼuk li kʼusitik te kuxajtike.
6 Chajal ta sba ta sat Mukinal* li Diose+xchiʼuk muʼyuk makal ta sat li yavil lajelale.*
7 Jaʼ chlichʼan batel li vinajel ti bu xokole,+muʼyuk kʼusi la stʼuyan-o* li balumile.
8 Ta xpix ta toketik li voʼe,+pe mu xtʼom li toke, akʼo mi ol.
9 Ta smak li yeloval xchotleb sventa ajvalile,te chlichʼan batel li toke.+
10 Jaʼ chakʼbe stsʼakil ti bu kʼalal chpaj li vinajel xchiʼuk nabe;+jaʼ chakʼbe spajeb li sakil osil xchiʼuk li ikʼal osile.
11 Chnik li yoyaltak vinajele;solel mu xa snaʼ kʼusi tspasik kʼalal ch-ilin li Diose.
12 Tsyukʼilan ta sjuʼel li nabe+xchiʼuk tslilin li mukʼta chanul nab* ta skoj li spʼijile.+
13 Ta yikʼal noʼox ye tsjam li vinajele;ta smil li chon ti xkilet chanav ta anile.
14 ¡Kʼelavilik! Taje jaʼ noʼox uni juteb* li kʼusitik spasoje;+¡jaʼ noʼox xkoʼolaj kʼuchaʼal mixmix kʼop* li kʼusi kaʼiojtik ta stojolale!
Jaʼ yuʼun, ¿buchʼu xuʼ xaʼibe smelolal li tsatsal chauk yuʼune?».+
Tsʼibetik ta yok vun
^ O «Ep tajek».
^ Literal «xchiʼuk buchʼu yikʼal ye ti chlokʼ tal ta atojolale».
^ O «Abadone».
^ O «sjokʼan-o; sjipan-o».
^ Literal «Raab».
^ Literal «yuni tiʼiltak».
^ O «koskos kʼop; kʼunil kʼop».
