•  Кутскон кылъёс 2

•  «Инмарлэн Кылысьтыз узырлык» 3—5

  •  Речь 3

  •  Духовной марӟанъёс 4

  •  Библиез лыдӟон 5

•  «Дышетскиськомы устогес ивортыны» 6—14

  •  Нырысетӥзэ вераськыку 7

  •  Тунсыкъяськись адямилы юрттыку 8

  •  Адямиез дышетыку 9

  •  Малы оскемдэс валэктыку 10

  •  Речь 11

  •  Валэктон 12

  •  Учыръёс 13

  •  Видеороликъёс но публикациос 14

•  «Христиан улон» 15, 16

  •  Кенешын Библиез дышетон 16

•  Йылпумъян кылъёс 17

•  Ушъян но визь-кенеш 18

•  Висъям дыр 19

•  Кенеше ёросэз чакласьлэн лыктэмез 20

•  Арня, кудаз ортче ёросысь яке улосысь конгресс 21

•  Арня, кудаз Ӝытан ортче 22

•  «Улон но ужан-тыршон» пумиськонэн кивалтӥсь 23

•  «Улон но ужан-тыршон» пумиськонэз радъясь агай 24

•  Визь-кенешъёс сётъясь агай 25

•  Ватсам классъёс 26

•  Видеороликъёс 27

1. Та документысь валэктонъёс юрттозы ваньмызлы, кинъёслы «Христиан улонмы но ужан-тыршонмы» пумиськонын кыӵе ке уж сётэмын. Дасяськемзылэсь азьло соослы тодматсконо соин, мар вераське ужзы сярысь «Христиан улонмы но ужан-тыршонмы» ужан тетрадьын (mwb) но та документын. Вань ивортӥсьёслэсь мылкыдзэс ӝутоно дышетскон ужъёсты дасяны но соосты возьматыны. Ивортӥсь луисьтэм адямиос но дышетскон ужъёсты быдэсъяны быгатозы (соос Библиысь дышетонъёсын соглаш луо ке но христиан возетъёсъя уло ке). Ивортӥсь луисьтэм адямилэн дышетскон ужъёсты быдэсъямез потэ ке, «Улон но ужан-тыршон» пумиськонэн кивалтӥсь соин ӵош эскерыны кулэ куронъёсты, кудъёсызлы со тупаны кулэ (со сыӵе ик куронъёс, кудъёсызлы пылатӥськымтэ ивортӥсь тупаны кулэ (od-U 8 люкет, 8 абз.)). Собере «Улон но ужан-тыршон» пумиськонэн кивалтӥсь солы вералоз, яра-а солы дышетскон ужъёсты дасяны, уг-а. Вераськыкузы соосын ӵош луыны кулэ ивортӥсь, кудӥз адямиен Библиез дышетэ (яке Иеговалэн Адӟись-Ивортӥсез луись анай-атаез).

2. Одӥг минут. Кырӟам но вӧсяськем бере «Улон но ужан-тыршон» пумиськонэз радъясь агай вералоз, мар тунсыкоез луоз вуоно программаын. Со понна солы быръёно но верано малпанъёсты, кудъёсыз кенешлы тужгес но пайдаё луозы.

  3. Речь (дас минут). Речьлэн темаез но планэз (кык-куинь валтӥсь малпанъёс) гожтэмын ужан тетрадьын. Та речь сётӥське тӧролы яке быгатӥсь кенешлы юрттӥсьлы. Со арняе, куке Библиысь выль книга эскериськыны кутске, со книгаен тодматӥсь видеороликез возьматыны кулэ. Пунктэз нуись агай вераны быгатоз, кызьы видеороликысь малпанъёс речьлэн темаеныз герӟаськемын. Но солы одно ик валэктыны кулэ валтӥсь малпанъёсты, кудъёсыз ужан тетрадьын гожтэмын. Озьы ик, дыр вань ке, со валэктоз суредъёсты. Агай ватсам материалэз эскерыны быгатэ, со планысь валтӥсь малпанъёсты усьтыны юрттэ ке.

 4. Духовной марӟанъёс (дас минут). Юанъёсын но валэктонъёсын эскерон, кудӥз кутскон но йылпумъян кылъёстэк ортчытӥське. Сое нуэ тӧро яке быгатӥсь кенешлы юрттӥсь. Агай кыксэ ик юанъёсты сётыны кулэ. Со ачиз малпалоз, кулэ-а лыдӟыны вань кылбуръёсты, кудъёсыз юанъёслы гожтэмын. Юанлы валэктон сётӥсьлы 30 секундлэсь кемагес верано ӧвӧл.

 5. Библиез лыдӟон (ньыль минут). Та дышетскон уж пиосмуртлы сётӥське. Дышетскись сётэм кылбуръёсты лыдӟе, кутскон кылъёс вератэк но йылпумъян лэсьтытэк. Пумиськонэз радъясь агай дышетскисьёслы юрттыны тырше лыдӟыны янгышъёстэк, сюлмысь, валаса, ӝог, шонер интонациен, валатонэзъя ударение пуктылыса но вис карылыса. Та пунктын куддыръя Библиысь трос кылбуръёсты лыдӟоно луэ, нош куддыръя ӧжытгес. Соин ик «Улон но ужан-тыршон» пумиськонэн кивалтӥсьлы, кинлы та ужез сётоно шуыса малпакуз, лыдэ басьтоно дышетскисьлэсь быгатонлыкъёссэ.

6. Дас вить минут. Пумиськонлэн та люкетэз котькудӥзлы юрттэ тодытон ужлы дасяськыны но дышетскыны устогес ивортыны но дышетыны, озьы ик со дышетэ умойгес вераськыны. Кулэ ке, тӧроос но дышетскон ужъёсты дасяны быгато. Дышетскисьёслы «Дышетскы» брошюраысь но «Яратэ адямиосты» брошюраысь урокъёс вылын ужано. Кыӵе урок вылын ужано, гожтэмын ужан тетрадьын, уж вӧзысь скобкаосын. Куддыръя та люкетын луозы пунктъёс, кудъёсаз пумиськонэ лыктэмъёс валэктонъёс сётъяны быгатозы. Со пунктъёсты тӧро яке быгатӥсь кенешлы юрттӥсь ортчытыны кулэ. (Кызьы соосты ортчытоно, гожтэмын  15-тӥ абзацын.)

 7. Нырысетӥзэ вераськыку. Та уж пиосмуртлы яке кышномуртлы сётӥське. Пиосмуртлы пиосмурт юрттыны кулэ, кышномуртлы — кышномурт. Озьы ик, кин ке но семьяысьтыз юрттыны быгатэ. Дышетскон ужез возьматӥсьёс сылыны яке пукыны быгато. (Кызьы та ужез дасяно, гожтэмын  12-тӥ но  13-тӥ абзацъёсын.)

 8. Тунсыкъяськись адямилы юрттыку. Та уж пиосмуртлы яке кышномуртлы сётӥське. Пиосмуртлы пиосмурт юрттыны кулэ, кышномуртлы — кышномурт (km-U 5/97 7 б.). Дышетскон ужез возьматӥсьёс сылыны яке пукыны быгато. Дышетскись возьматыны кулэ, кызьы вераськоно адямиен, кудӥз тунсыкъяськиз, кылемаз вераськыкузы. (Кызьы та ужез дасяно, гожтэмын  12-тӥ но  13-тӥ абзацъёсын.)

 9. Адямиез дышетыку. Та уж пиосмуртлы яке кышномуртлы сётӥське. Пиосмуртлы пиосмурт юрттыны кулэ, кышномуртлы — кышномурт (km-U 5/97 7 б.). Дышетскон ужез возьматӥсьёс сылыны яке пукыны быгато. Та ужын возьматыны кулэ со дышетонэз, кудӥз ортчытӥське ини. Кутскон кылъёс вератэк но йылпумъян лэсьтытэк но луоз, дышетскись со урокъёс бордын уг ужа ке. Эскериськись материалэз быдэсак лыдӟыны яра ке но, сое быдэсак лыдӟытэк но луоз.

 10. Малы оскемдэс валэктыку. Та пунктын речь верано ке, дышетскон уж пиосмуртлы сётӥське. Нош вачевераськонэз возьматоно ке, со пиосмуртлы яке кышномуртлы сётӥське. Пиосмуртлы пиосмурт юрттыны кулэ, кышномуртлы — кышномурт. Озьы ик, кин ке но семьяысьтыз юрттыны быгатэ. Дышетскись валамон но лякытэн темаысь юанлы валэктон сётыны кулэ. Тема вӧзысь скобкаосын гожтэмын, мае со учкыны быгатэ, валэктон сётон понна. Дышетскись ачиз ужпум кутоз, возьматоз-а со адямилы, кытысь валэктон шедьтӥз, уз-а.

 11. Речь. Та уж пиосмуртлы сётӥське. Со кенешлы дасям речь луыны кулэ. Речь верано ке, «Яратэ адямиосты» брошюраысь 1-тӥ ватсам валэктонысь пункт вылэ пыкиськыса, дышетскись возьматыны кулэ, кызьы кутоно сётэм кылбуръёсты тодытон ужын. Кылсярысь, со валэктыны быгатоз, кыӵе учыре кылбурез кутыны луэ, кызьы сое валано но кызьы адямиен вераськоно, та кылбурез уже кутыса. Речь верано ке, «Яратэ адямиосты» брошюраысь кыӵе ке урокысь пункт вылэ пыкиськыса, дышетскись возьматыны кулэ, кызьы та пункт тодытон ужын юрттоз. Луоз эскерыны 1-тӥ пунктысь малпанъёсты яке урок пумысь ватсам кылбуръёсты.

   12. Валэктон. Та но вуоно абзацъёс юрттозы «Нырысетӥзэ вераськыку» но «Тунсыкъяськись адямилы юрттыку» ужъёсты дасяны. Номыр гожтэмын ӧвӧл ке, дышетскись адямилы Библиысь зэмлыкез вералоз но вераськоз, мае соос мукет дыръя эскерозы. Дышетскисьлы быръёно тупась темаез, кудӥз со палан улӥсь адямиослы тунсыко луоз. Со ачиз ужпум кутыны быгатэ, ӵектоз-а со публикациез яке возьматоз-а видеороликез, кудъёсыз валтӥсь дышетон тӥрлыкъёс пӧлы пыро. Дышетэм кылъёсын вераськем интые, дышетскисьлы адямиосын умойгес вераськыны дышетсконо. Кылсярысь, солы дышетсконо вераськыны со сярысь, мар адямиослы тунсыко, но гажан-жалян сямзэ возьматыны.

   13. Учыръёс. Дышетскисьлы возьматоно, кызьы со палан тодытыны луэ учыре, кудӥз ужан тетрадьын сётэмын. Кылсярысь:

1.  1) Коркась корка тодытон. Дышетскисьлы возьматоно, кызьы адямиен нырысетӥзэ вераськоно, дораз лыктыса, телефон пыр жингыртыса яке гожтэт гожтыса. Озьы ик возьматыны луоз, кызьы нош ик вераськоно адямиен, кудӥныз со, коркась корка тодытыкуз, тодматскиз.

2.  2) Мар ке карыку тодытон. Дышетскисьлы возьматоно, кызьы, огшоры вераськыку, ӟеч иворез вераны луэ. Кылсярысь, кызьы Библиысь малпанэз верано, уж дорын яке школаын вераськыку, бускелез пумитаку, транспортэн мыныку яке кыӵе ке ужъёсты лэсьтыку.

3.  3) Трос калыко интыосын тодытон. Возьматыны луоз, кызьы тодытоно стендэн, ульчаын, магазинъёсын, паркъёсын яке мукет интыосын, кытын адямиос вань.

 14. Видеороликъёс но публикациос. Дышетскон ужез возьматыку, дышетскись кыӵе ке видеороликез яке публикациез уже кутыны быгатэ. Со видеороликез уже кутыны малпаз ке, сое эскероно, но возьматоно ӧвӧл.

15. Та люкет кырӟанэн кутске. Кырӟан бере 15 минут ӵоже программалэн одӥг яке кык пунктэз ортчытӥське. Со пунктъёс дышето пумиськонэ лыктэмъёсты Библиысь визь-кенешъёсты но возетъёсты улоназы пыртыны. Номыр гожтэмын ӧвӧл ке, та пунктъёсты котькуд тӧролы яке быгатӥсь кенешлы юрттӥсьлы сётыны луоз. Нош «Интыысь кулэяськонъёс» пунктэз тӧроос гинэ ортчыто. Куке пунктэз эскерон кадь ортчытоно, гожтэм юанъёс сяна агай быгатэ ватсам юанъёс но сётыны. Кутскон кылъёс трос верано ӧвӧл, соку валтӥсь малпанъёсты валэктыны но эскерон ортчытыны тырмыт дыр кылёз. Пунктын интервью вань ке, умойгес луоз, адями, кудӥзлэсь интервью басьто, сцена вылысен вераз ке.

  16. Кенешын Библиез дышетон (куамын минут). Та пункт быгатӥсь тӧролы сётӥське. (Кенешъёсын, кудъёсаз тӧроос ӧжыт, дышетонэз быгатӥсь кенешлы юрттӥсь нуыны быгатоз.) Тӧроослэн кенешсы ужпум кутыны кулэ, кин тӧроос пӧлысь кенешын Библиез дышетонэз нуыны быгатоз. Та пунктэз ортчытыкуз, вын-агай кылзӥсьёслэсь саклыксэс висъяны кулэ Библиысь валтӥсь кылбуръёслы но солы, кыӵе пайда ваё эскериськись малпанъёс. Озьы ик вын-агайлы чаклано, Библиез дышетон дырыз дыръя мед йылпумъяськоз шуыса. Пайдаё визь-кенешъёс шедьтыны луоз валэктонъёсысь, кызьы юанъёсын но валэктонъёсын эскеронэз ортчытоно (w23.04 24 б., рамка). Кенешын Библиез дышетонлы висъям материал пыр-поч эскеремын ке ини, нош дыр кылемын на, кулэ ӧвӧл дырез юри кыскыны. Луэ ке, котькуд арняе пӧртэм вын-агайёс дышетонэз ортчытыны но абзацъёсты лыдӟыны кулэ. «Улон но ужан-тыршон» пумиськонэз радъясь агай Библиез дышетонэз вакчиятоно шуыса вера ке, дышетонэз ортчытӥсь агай ачиз ужпум кутоз, кызьы сое умойгес лэсьтыны. Кылсярысь, куд-ог абзацъёсты со лыдӟытэк эскерыны быгатоз.

17. Куинь минут. Пумиськонэз радъясь агай вералоз та пумиськонысь тужгес но пайдаё малпанъёсты. Озьы ик агай вералоз, кыӵе материал вуоно пумиськонын эскериськоз. Дыр кылиз ке, со вераны быгатоз, кинлы дышетскисьёс пӧлысь вуоно арняе уж сётэмын. Номыр пусъемын ӧвӧл ке, пумиськонэз радъясь агай кулэ луись ялонъёсты но гожтэтъёсты кенешлы лыдӟыны быгатоз. Котькуд арняе ортчись тодытонлы сӥзем пумиськонъёс сярысь, чылкытатон график сярысь но мукет со выллем ялонъёсты сцена вылысен лыдӟоно ӧвӧл. Соосты ялонъёсын пул вылэ ошоно. Йылпумъян кылъёслы висъям дыре вань ялонъёсты но гожтэтъёсты лыдӟыны уг луы ке, пумиськонэз радъясь агайлы куроно вын-агайёсты «Христиан улон» люкетысь пунктъёссэс вакчиятыны (учке  16-тӥ но  19-тӥ абзацъёсты). Пумиськон кырӟанэн но вӧсяськонэн йылпумъяськоз.

18. Котькуд дышетскись ужзэ возьматэм бере «Улон но ужан-тыршон» пумиськонэз радъясь агайлэн одӥг минут пала дырыз вань, ушъян понна но визь-кенеш сётон понна. Дышетскисьлэсь ужзэ ялыкуз, радъясь агай уг вера урок сярысь, кудӥз вылын со ужа. Нош дышетскись ужзэ возьматэм бере, радъясь агай, тупась ушъян кылъёс вераса, быгатоз вераны, кыӵе урок вылын ужаз дышетскись, но пусйыны, урокысь кыӵе визь-кенешъёсты солэн уже кутыны пӧрмиз, яке лякытэн валэктыны, кыӵе визь-кенешъёслы солы саклык висъяно на но малы. Радъясь агай дышетскисез ушъяны быгатэ мукетыз понна но, мар солэн умой пӧрмиз, со малпа ке, со дышетскисьлы яке кылзӥсьёслы пайда ваёз шуыса. Радъясь агай пумиськон бере яке мукет дыре дышетскисьлы пайдаё визь-кенешез нимаз сётыны быгатоз на, кудӥз «Яратэ адямиосты» брошюра, «Дышетскы» брошюра яке «Ужан-тыршон школа» книга вылэ пыкиськемын. Сыӵе визь-кенеш герӟаськемын луыны быгатэ со урокен, кудӥз вылын дышетскись ужаз, яке мукетыныз. («Улон но ужан-тыршон» пумиськонэз радъясь агайлэн но визь-кенешъёс сётъясь агайлэн ужзы сярысь тодыны луоз  19-тӥ,  24-тӥ но  25-тӥ абзацъёсысь.)

19. Пумиськонэз радъясьлэн кылъёсызлы но программалэн котькуд люкетэзлы висъям дырез чакланы кулэ. Ужан тетрадьын гожтэмын, кӧня дыр котькуд пунктлы висъямын. Нош агай яке сузэр темаез усьтыны яке материалэз эскерыны висъям дырлэсь вазьгес быгатӥз ке, со пунктэз йылпумъяны быгатэ. Кин ке но пунктсэ висъям дырлэсь кемагес вераз ке, «Улон но ужан-тыршон» пумиськонэн кивалтӥсь яке визь-кенешъёс сётъясь агай со сярысь соин вераськыны кулэ огназы дыръя (учке  24-тӥ но  25-тӥ абзацъёсты). Быдэс пумиськон кырӟанъёсын но вӧсяськонъёсын ӵош 1 час но 45 минутлэсь кемагес кыстӥськыны кулэ ӧвӧл.

20. Кенеше ёросэз чаклась лыктэ ке, программа ортчоз озьы ик, кызьы верамын «Улон но ужан-тыршон» ужан тетрадьын, но куд-ог воштӥськонъёсын. «Христиан улон» люкетын, кенешын Библиез дышетон интые, ёросэз чакласьлэн 30 минутъем кенешлы дасям речез луоз. Нош та речь азьын пумиськонэз радъясь агай ортчем программалэсь валтӥсь малпанъёссэ вералоз, вуоно арняе программалы саклык висъялоз, кулэ луись ялонъёс лэсьтоз, гожтэтъёсты лыдӟоз но ёросэз чакласьлэсь речьсэ ялоз. Кенешлы речь бере ёросэз чаклась пумиськонэз йылпумъялоз, кырӟанэз ялыса, кудзэ со ачиз бырйыны быгатэ. Пумиськонлэн пумаз со ачиз вӧсяськыны быгатэ яке курыны мукет вын-агаез вӧсяськыны. Со арняе, кудаз кенеше ёросэз чаклась лыктэ, дышетскон ужъёс валтӥсь залын гинэ ортчытӥськозы. Кенеш борды мукет группа юнматэмын на ке, со группа пумиськонэз ас понназ ортчытыны быгатэ, нош ёросэз чакласьлэсь кенешлы речьсэ со группаысь вын-агайёслы но сузэр-апайёслы кенешен ӵош кылзоно.

21. Арняе, кудаз конгресс луоз, кенешлэн пумиськонъёсыз уг ортчытӥсько. Вын-агайёслы но сузэр-апайёслы тодазы вайытоно, со арняе пумиськонын эскероно материалэз ас поннад яке семьяен ӵош эскерыны кулэ шуыса.

22. Ӝытан ужан нуналэ тупа ке, со арняе «Улон но ужан-тыршон» пумиськон уг ортчытӥськы.

23. Тӧроослэн кенешсы быръёз тӧроез, кудӥз «Улон но ужан-тыршон» пумиськонэн кивалтӥсь луоз. Со кыл кутэ, пумиськон умой радъямын мед луоз но татын сётэм валэктонъёсъя мед ортчоз шуыса. Со агай визь-кенешъёс сётъясь агаен валче ужаны кулэ. Выль ужан тетрадь потэм бере ик «Улон но ужан-тыршон» пумиськонэн кивалтӥсь малпалоз, кинлы кыӵе уж сётыны ужан нуналъёсы ортчись пумиськонын. Со кык толэзьлы ужъёс сётоз. Со быръёз пумиськонэз радъясь агайёсты со агайёс пӧлысь, кудъёссэ тӧроослэн кенешсы та ужлы бырйиз. Озьы ик со дышетскисьёслы ужъёс сётъялоз но вералоз, кинъёс мукет пунктъёсты ортчытозы. (Учке  3—16-тӥ но  24-тӥ абзацъёсты.) Куке агай малпалоз, кинлы кыӵе дышетскон уж сётоно, солы лыдэ басьтоно дышетскисьлэсь арлыдзэ но быгатонлыкъёссэ, озьы ик малпано, улэ-а дышетскись соя, мар сярысь дышетскон ужын вераськон мыноз. Сое ик лыдэ басьтоно, мукет пунктъёс сярысь верано ке. Ужъёсты сётыны кулэ куинь арнялы ке но азьлогес. Дышетскисьёслы ужъёс сётон понна уже кутоно «„Христиан улонмы но ужан-тыршонмы“ пумиськонлы уж» бланкез (S-89). Кинлы кыӵе уж сётэмын, ялонъёсын пул вылэ ошоно. Тӧроослэн кенешсы, «Улон но ужан-тыршон» пумиськонэн кивалтӥсьлы юрттон понна, солы мукет тӧроез яке кенешлы юрттӥсез сётыны быгатэ. Кенешлы юрттӥсьёс дышетскон ужъёс гинэ сётъяны быгато.

24. Котькуд арняе одӥг тӧро «Улон но ужан-тыршон» пумиськонэз радъясь луоз. (Кенешъёсын, кудъёсаз тӧроос ӧжыт, быгатӥсь кенешлы юрттӥсь но пумиськонэз радъясь луыны быгатэ.) Со кутскон но йылпумъян кылъёсты вералоз. Со программалэсь вань люкетъёссэ ялоз но, лыдэ басьтыса сое, кӧня кенешын тӧроос, со озьы ик программалэсь мукет пунктъёссэ нуыны быгатоз. Кылсярысь, со быгатоз нуыны пунктъёсты, кудъёсаз видеороликез гинэ возьматоно. Пунктъёсты вакчияк ялоно. Тӧроослэн кенешсы малпалоз, кыӵе тӧроос та ужлы тупало. Быръем тӧроос пумиськонэз радъясьёс луозы черодэн. Интыысь югдуръёсты лыдэ басьтыса, «Улон но ужан-тыршон» пумиськонэн кивалтӥсь, мукет быръем тӧроос сярысь, ӵемгес радъясь луыны быгатэ. Тӧро кенешын Библиез дышетонэз нуыны быгатэ ке, соку со пумиськонэз радъясь но луыны быгатоз, дыр. Тодады возе, тӧролы, кудӥз пумиськонэз радъясь луэ, дышетскисьёсты сюлмысь ушъяно но, кулэ ке, соослы пайдаё визь-кенешъёс сётоно шуыса. Пумиськонэз радъясь агай озьы ик кыл кутэ со понна, пумиськон дырыз дыръя мед йылпумъяськоз шуыса (учке  17-тӥ но  19-тӥ абзацъёсты.) Пумиськонэз радъясьлэн мылкыд каремезъя, сцена вылын интыез тырмыт ке, отчы эшшо одӥг микрофон пуктыны луоз на, радъясь агай программалэсь котькуд пунктсэ ялыны мед быгатоз шуыса со дыре, куке пунктэз нуись агай пюпитр сьӧры султэ. Дышетскись Библиез лыдӟыку но «Дышетскиськомы устогес ивортыны» люкет дыръя, пумиськонэз радъясь агай (мылкыд каремезъя) сцена вылын ӝӧк сьӧрын пукыны быгатоз. Озьы ӧжытгес дыр кошкоз.

25. Луэ ке, та ужез умойгес луоз сётыны тӧролы, кудӥз быгатыса речь вера. Со визь-кенешъёс сётоз (кулэ луиз ке) тӧроослы но кенешлы юрттӥсьёслы, кудъёсыз «Улон но ужан-тыршон» пумиськонын пунктъёсты нуо но ваньмызлы дасям речьёс верало, озьы ик вын-агайёслы, кудъёсыз «Возьмаськон башняез» эскеронэз ортчыто но кенешын Библиез дышетонэз нуо яке лыдӟо со пумиськонъёс дыръя (учке  19-тӥ абзацез). Визь-кенешъёс сётъясь агай вын-агайёслэн котькуд выступленизы бере визь-кенешъёс сётъяны кулэ ӧвӧл. Кенешын сыӵе тӧроос одӥг гинэ ӧвӧл ке, кудъёсызлэн речь умой вераны но дышетыны быгатонлыкъёссы вань, соос быгато визь-кенешъёс сётъяны, котькуд аре ог-огзэс вошъяса.

26. Кенешын дышетскисьёс трос ке, ватсам классъёс радъяны луэ. Котькуд классэ тупамон агай быръемын луоз, кудӥз визь-кенешъёс сётъялоз (умойгес луоз, со тӧро луиз ке). Та ужез быгатӥсь кенешлы юрттӥсь но быдэстыны быгатоз. Тӧроослэн кенешсы ужпум кутыны кулэ, кин та ужез быдэстоз но луоз-а со одӥг агай яке та ужез вын-агайёс вошъяськыса быдэстозы. Со быръем агай  18-тӥ абзацын сётэм валэктонъёсъя лэсьтыны кулэ. Ватсам классын ужъёссэс возьматӥсь дышетскисьёс мукет классэ мынозы «Духовной марӟанъёс» пункт бере. Соос валтӥсь залэ берытскыны кулэ берпуметӥ дышетскон уж бере.

27. «Улон но ужан-тыршон» пумиськонын видеороликъёс возьматэмын луозы «Улон но ужан-тыршон» ужан тетрадьын верамъя. Соосты шедьтыны луоз JW Library^® приложениысь. Та видеороликъёсты пӧртэм тӥрлыкъёсын возьматыны луоз.

© 2023 Watch Tower Bible and Tract Society of Pennsylvania

S-38-UM 11/23