«Со шонер улэмъёсты но, шонер улымтэосты но кулэмысь улӟытыса султытоз» (Апостолъёслэн ужъёссы 24:15, Библия удмурт кылын).

Буйгатон, куке тӥ матысь адямиостэс ыштӥськоды (2 Коринфъёслы 1:3, 4).

Кулэмлэсь ортчыт кышканлэсь мозмытскон (Еврейёслы 2:15).

Сюлмысь яратоно адямиосынымы выльысь пумиськыны зэмос оскон (Иоанн 5:28, 29).

Луоз, но со понна, самой ӧжытэз, куинь мугъёс вань:

• Инмар вань лулоезлы улон сётӥз. Библия Иегова Инмарез улон сётӥсь шуыса нима (Псалтирь 35:10; Апостолъёслэн ужъёссы 17:24, 25). Со, кин ваньзэ кылдытӥз, кулэмъёсты улӟытыны, одно ик, быгатоз.

• Инмар азьло дыръёсы адямиосты улӟытъяз. Библия вера тямыс адямиос сярысь — соос пӧлын арлыдоос но егитъёс, пиосмуртъёс но кышномуртъёс, кудъёсызлы музъем вылын улонзы берыктэмын вал. Тросэз соос пӧлысь кема дыр ӵоже кулыса ӧз улэ ке но, одӥгез шайгуын ньыль нунал кыллиз! (Иоанн 11:39—44).

• Инмар, азьло сямен ик, кулэмъёсты улӟытыны мылкыд каре. Иегова кулонэз адӟемпотостэм каре; со сое тушмонэн лыдъя (1 Коринфъёслы 15:26). Солэн юн мылкыдыз вань та тушмонэз вормыны — кулонэз улӟытонэн быдтыны. Инмарлэн вань сюлмысьтыз выльысь адӟемез потэ ваньзэс, кинъёсты со тодаз возе,— со соосты музъем вылын улыны берыктоз (Иов 14:14, 15).