Коринтлиқларға 1-хәт 5:1—13
5 Маңа шу мәлум болдики, силәрдә бузуқлуқ болуветипту, бу шундақ җинсий әхлақсизлиқки, бундақ иш һәтта башқа хәлиқләрниң арисидиму йүз бәрмәйду: бирси өгәй аниси билән чеқилишипту.
2 Силәр болсаңлар қайғуруп, өз араңлардин мошундақ қилмишни қилғанни чиқириветишниң орниға, йәнә техи чоңчилиқ қиливатамсиләр?
3 Мән силәр билән болмисамму, амма роһум билән араңларда болғандәк, мошундақ қилғанға һөкүм чиқардим.
4 Һакимдаримиз Әйса Мәсиһниң намиға силәр җәм болуп һәм шундақла силәр билән Һакимдаримиз Әйсаниң күчидә мениң роһум
5 бу кишиниң роһи Һакимдарниң күнидә қутқузулуши үчүн, уни Шәйтанға тән әйиви һалак болушиға бериветиңлар.
6 Силәргә махтиниш яхши әмәс. Кичиккинә хемиртуручниң пүткүл хемирни ечитидиғинини билмәмсиләр?
7 Йеңи хемир болуш үчүн, кона хемиртуручни йоқитиңлар, чүнки силәрдә ечитилиш болмаслиғи керәк. Чүнки Қутқузулуш мәйриминиң қозиси Мәсих биз үчүн қурванлиққа әкелингән еди.
8 Шу сәвәптин кона хемиртуруч, йәни явузлуқ һәм рәзиллик хемиртуручи билән әмәс, бәлки сәмимийликниң һәм һәқиқәтниң петир нанлири билән мәйрәмләйли.
9 Алдинқи хетимдә мән силәргә зинахорлар билән арилашмишиңлар һәққидә язғандим,
10 лекин умумән бу дунияниң зинахорлири яки ачкөзлири вә булаңчилири, яки бутпәрәслири билән әмәс. Болмиса силәргә бу дуниядин чиқип кетиш керәк еди.
11 Шуңа әнди мән силәргә өзини қериндаш дәп санап, зинахор яки ачкөз, яки бутпәрәс, яки башқиларни қарилайдиған, яки һарақкәш, яки булаңчи болған билән арилашмай, һәтта ундақ адәм билән һәмдәстиханму болмаңлар дәп йезиватимән.
12 Сирттикиләрни һөкүм қилғучи мәнму? Җамаәттикиләрни силәр сотлимамсиләр?
13 Сирттикиләрни болса Худа Өзи сотлимақта. «Өзәңлардин явузни чиқириңлар».
