Самуилниң 2-язмиси 6:1—23
6 Давут җәнгә әң ярамлиқ исраиллиқлардин қошумчә 30 000 адәмни жиғди.
2 Андин у униңда бар барлиқ хәлиқ билән Йәһуданиң шәһири Баалға барди. У шу йәрдин хурабинларда олтүридиған әскәрләр Сәрдари Йәһваниң сандуғини йөткәшкә барди. Бу сандуқниң қапқиси үстидә Худаниң исми чақирилиду.
3 Һәқиқий Худаниң сандуғини Абинадабниң дөңдә турған өйидин ачиқип, йеңи җәң һарвусида елип маңди. Абинадабниң оғуллири Узза билән Ахийо йеңи һарвуни йетәкләп маңди.
4 Абинадабниң өйидин һәқиқий Худаниң сандуғини елип жүрди, Ахийо болса сандуқниң алдида маңди.
5 Давут һәм барлиқ Исраил өйи шатлинип, Йәһваниң алдида арчилардин ясалған һәртүрлүк саз әсваплирини челип, чилтарлар, дап-думбақлар билән меңивататти.
6 Нахонниң хаманиға йәткәндә, Узза қолини созуп һәқиқий Худаниң сандуғини тутувалди, чүнки өкүзләр алдиға жулқунди.
7 Шуниң билән Йәһваниң ғәзиви Уззаға қайнап, Худа уни қилған қилмиши үчүн шу йәрдә өлтүрди. У һәқ Худаниң сандуғи йенида һалак болди.
8 Давут Йәһваниң Уззани өлтүргини үчүн көп қайғурди. Шуңа мошу җай ушбу күнгичә Пәрәс-Узза дәп атилиду.
9 Шу күни Давут Йәһвадин чөчүп кәтти вә: «Қандақларчә Йәһваниң сандуғи маңа кириду?»— дәп ойлиди.
10 Шуниң билән Давут Йәһваниң сандуғини өзигә, Давут шәһиригә, әкиришни халимиди. Уни Давут гатлиқ Овед-Едомниң өйигә апириветишни буйриди.
11 Шундақ қилип, Йәһваниң сандуғи гатлиқ Овед-Едомниң өйидә үч ай болди вә Йәһва Овед-Едомни һәм униң барлиқ өйини бәрикәтлиди.
12 Давут падишаға хәвәр йәткүзүлүп: «Йәһва муқәддәс сандуқ үчүн Овед-Едомниң өйини һәм униңдики барлиқ нәрсини бәрикәтләпту»,— дейилди. Шуниң билән Давут берип, Овед-Едомниң өйидин Худа сандуғини Давут шәһиригә шат-хорам йөткиди.
13 Йәһваниң сандуғини көтәргүчиләр алтә чамдамдин қилғандила, Давут қурбанлиққа буқини һәм бодалған қойни әкиләтти.
14 Давут зиғир ефодқа кийинип, Йәһваниң алдида бар күчи билән сәкрәп, уссул ойниди.
15 Шундақларчә Давут һәм барлиқ Исраил өйи Йәһваниң сандуғини шатлинип вақирап, карнәй авазлири астида елип кәлди.
16 Йәһваниң сандуғи Давут шәһиригә әкириливатқанда, Саулниң қизи Микал деризидин қарап, Давутниң Йәһва алдида сәкрәп, уссул ойнаватқинини көрүп, уни жүригидә тәңситмиди.
17 Йәһваниң сандуғини әкелип, униң үчүн Давут орнатқан чедирниң оттурисида уни қойғанда, Давут Йәһваниң алдида көйдүрмиләр билән шүкүр қурбанлиқларни әкәлди.
18 Буларни әкәлгәндин кейин Давут хәлиқни әскәрләр Сәрдари Йәһва нами билән бәрикәтлиди.
19 У барлиқ хәлиқкә вә Исраилниң көпчилигигә: һәм әрләргә, һәм аялларға, һәрқайсиға бирдин нан, биркүнлүк гөш парчисини вә үзүм қатлимини бәрди. Бар хәлиқ өйлиригә тарқашти.
20 Давут өз өйини бәрикәтләш үчүн қайтқанда, Саулниң қизи Микал униң алдиға чиқип: «Бүгүн Исраилниң падишаси қандақ мәдһийиләнди! У бүгүн қуллириниң көз алдида, гоя ахмақлар ялаңач болғандәк, йешинди»,— деди.
21 Давут Микалға җавап берип: «Сениң атаң вә пүтүн униң өйидин мени үстүн көргән һәм Йәһваниң хәлқи Исраилниң үстидин мени һөкүмран қойған Йәһва Пәрвәрдигарниң алдида мән сәкрәп ойнидим. Мән Йәһваниң алдида шатлинимән.
22 Мән униңдинму артуқ өзәмни пәсләштуримән һәм өзәмниң көзидә төвән болумән. Амма сән ейтқан қул аялларниң көзидә мән һөрмәт-еһтирамға бөлинимән»,— деди.
23 Шуниң билән Саулниң қизи Микалниң өлгичә балилири болмиди.
