«Адолатли ва адолатсиз одамларнинг тирилишига ишонаман». (Ҳаворийлар 24:15, «Муқаддас Китоб — Янги дунё таржимаси»)

Қадрдон кишингиз ҳаётдан кўз юмганда тасаллига эга бўлиш (2 Коринфликларга 1:3, 4).

Ваҳимали қўрқувдан озод бўлиш (Ибронийларга 2:15).

Оламдан ўтган азиз яқинларингиз билан яна бирга бўлиш умиди (Юҳанно 5:28, 29).

Албатта, бунинг камида учта сабаби бор:

• Аллоҳ ҳаёт Манбаи. Муқаддас Китобда Тангри Яҳова ҳақида «ҳаётнинг булоғи Сендадир»,— деб айтилган (Забур 35:10; Ҳаворийлар 17:24, 25). Ҳа, барча мавжудотга ҳаёт ато этадиган Шахс оламдан ўтган кишиларнинг ҳаётини қайтаришга қодир.

• Худо ўтмишда ҳам одамларни тирилтирган. Муқаддас Китобда саккизта кишининг, жумладан ёшу қари, эркагу аёлнинг тирилганлиги ҳақида баён этилган. Улардан баъзилари қисқа вақт ичида ҳаётга қайтган, лекин биттаси тўрт кун қабрда бўлган! (Юҳанно 11:39–44).

• Тангри буни яна қилишни жуда истайди. Яҳова ўлимдан нафратланади; У ўлимни душман деб билади (1 Коринфликларга 15:26). У бундай душманни енгиб, уни тирилиш ёрдамида бартараф қилишга «мунтазир» бўлиб турибди. Унинг хотирасида бўлган ҳаммани ҳаётга қайтариб, ер юзида уларни кўришни жуда истайди (Аюб 14:14, 15).