«Самовий Худо битмас-туганмас бир шоҳлик ўрнатади. Ҳеч ким уни енга олмайди» (Дониёр 2:44).

«Унга ҳукмронлик, улуғворлик ва шоҳлик берилди... Унинг ҳукмронлиги битмас-туганмас, абадий ҳукмронликдир» (Дониёр 7:14).

Адолатли ҳукумат шахсан сизга фойда келтиради (Ишаё 48:17, 18).

Бўлажак янги дунёда, мукаммал соғлик ва бахтга эга бўлиб яшай оласиз (Ваҳий 21:3, 4).

Албатта, бунинг камида иккита сабаби бор:

• Исо пайғамбар, Худонинг Шоҳлиги нимани амалга оширишини кўрсатган. Исо алайҳиссалом, издошларини Худонинг Шоҳлиги келиши ва Аллоҳнинг иродаси ерда ҳам бажо бўлиши учун ибодат қилишга ўргатган (Матто 6:9, 10). У шунингдек, бу ибодат қандай ижобат бўлишини намоён этган.

  Исо ер юзидаги хизмати давомида, очларни тўйдирган, касалларни даволаган ва ўлганларни ҳаётга қайтарган (Матто 15:29–38; Юҳанно 11:38–44). Худо Шоҳлигининг бўлажак Бошқарувчиси сифатида, Исо Масиҳ келажакда Шоҳликнинг фуқаролари учун нима қилишини олдиндан кўрсатган (Ваҳий 11:15).

• Дунёдаги аҳвол, Худонинг Шоҳлиги яқин орада келишини тасдиқламоқда. Исо пайғамбар, бу Шоҳлик ер юзига тинчлик келтиришидан сал олдин, дунё уруш, қаҳатчилик ва зилзилаларга тўлиб-тошади, деб башорат қилган (Матто 24:3, 7).

  Ҳозирги аҳвол, бу худди шундай эканини кўрсатмоқда. Демак, яқинда Худонинг Шоҳлиги шу каби барча муаммоларни бартараф этишига амин бўлишимиз мумкин.