«Xudo aslo yakson qilinmaydigan shohlik o‘rnatadi». (Doniyor 2:44, «Muqaddas Kitob — Yangi dunyo tarjimasi»)

«Bizga bir o‘g‘il ato etildi. Uning qo‘liga hokimiyat beriladi». (Ishayo 9:6)

• Adolatli hukumat shaxsan sizga foyda keltiradi. (Ishayo 48:17, 18)

• Bo‘lajak yangi dunyoda, mukammal sog‘lik va baxtga ega bo‘lasiz. (Vahiy 21:3, 4)

Albatta, buning kamida ikkita sababi bor:

• Iso payg‘ambar Xudoning Shohligi nimani amalga oshirishini ko‘rsatgan. Iso alayhissalom izdoshlarini Xudoning Shohligi kelishi va Allohning irodasi yerda ham bajo bo‘lishi uchun ibodat qilishga o‘rgatgan. (Matto 6:9, 10) U shuningdek, bu ibodat qanday ijobat bo‘lishini ko‘rsatgan.

  Iso yer yuzidagi xizmati davomida ochlarni to‘ydirgan, kasallarni davolagan va o‘lganlarni hayotga qaytargan! (Matto 15:29–38; Yuhanno 11:38–44) Xudo Shohligining bo‘lajak Boshqaruvchisi sifatida Iso Masih kelajakda Shohlikning fuqarolari uchun nima qilishini oldindan ko‘rsatgan. (Vahiy 11:15)

• Dunyodagi ahvol Xudoning Shohligi yaqin orada kelishini tasdiqlamoqda. Iso payg‘ambar bu Shohlik yer yuziga tinchlik keltirishidan sal oldin, dunyo urush, qahatchilik va zilzilalarga to‘lib-toshadi, deb bashorat qilgan. (Matto 24:3, 7)

  Hozir buni o‘z ko‘zimiz bilan ko‘ryapmiz. Demak, yaqinda Xudoning Shohligi shu kabi barcha muammolarni bartaraf etishiga amin bo‘lishimiz mumkin.