Solnomalar ikkinchi kitob 1:1-17
1 Dovud o‘g‘li Sulaymonning shohligi mustahkamlanib borardi. Xudosi Yahova u bilan birga bo‘lib, uni g‘oyat yuksaltirdi+.
2 Sulaymon butun Isroilni — mingboshilar, yuzboshilar, hakamlar va Isroilning hamma yo‘lboshchilarini-yu xonadonlar boshlarini birga yig‘di.
3 Keyin Sulaymon va butun jamoat Givondagi+ tepalikka borishdi, chunki u yerda Yahovaning xizmatchisi Muso sahroda yasagan chodir, ya’ni Allohning uchrashuv chodiri joylashgan edi.
4 Haq Tangrining ahd sandig‘ini esa Dovud Xirat-Yorimdan+ olib, Quddusda u uchun atayin tayyorlagan chodirga qo‘ygan edi+.
5 Xurning nevarasi Uri o‘g‘li Bazalil+ yasagan mis qurbongohni+ Yahovaning muqaddas chodiri oldiga o‘rnatishdi. Sulaymon va butun jamoat uning oldida turib ibodat qilardi.
6 Sulaymon Yahovaning huzurida, uchrashuv chodiri oldida turgan mis qurbongohda 1 000 bosh molni kuydiriladigan qurbonlik sifatida keltirdi+.
7 O‘sha kechasi Xudo Sulaymonga zohir bo‘lib: «Tila tilagingni»+,— dedi.
8 Sulaymon Allohga shunday deb aytdi: «Otam Dovudga cheksiz mehr-sadoqat ko‘rsatding+. Undan keyin esa meni shoh etib tayinlading+.
9 Ey, Xudovand Yahova, otam Dovudga bergan va’dangni amalga oshir+. Sababi, Sen meni yer yuzidagi qumday behisob bo‘lgan xalq ustidan shoh qilib qo‘yding+.
10 Bu xalqni boshqarish uchun menga donolik va bilim ber+. Aks holda, ushbu buyuk xalqingga kim ham hakamlik qila oladi?!»+
11 So‘ng Xudo Sulaymonga shunday dedi: «Bu sening qalb istaging bo‘lib, o‘zingga mol-mulk, boylik va shon-sharaf so‘ramading. Sendan nafratlanganlarning o‘limini ham, o‘zing uchun uzoq umr ham tilamading. Aksincha, seni shoh etib tayinlagan xalqimga hakamlik qilish uchun donolik va bilim so‘rading+.
12 Shu bois, senga donolig-u bilim ato etaman. Bundan tashqari, sendan avvalgi shohlarda bo‘lmagan va sendan keyingi shohlarda bo‘lmaydigan mol-mulk, boylik hamda shon-sharaf beraman»+.
13 Shundan so‘ng, Sulaymon Givondagi+ tepalikdan, uchrashuv chodiri oldidan Quddusga qaytib, Isroil ustidan hukmronlik qildi.
14 Sulaymon aravalar va otlarni* tobora orttirib bordi. Uning 1 400 ta aravasi va 12 000 ta oti bor edi+. Ular aravalar uchun ajratilgan shaharlarda+ va shohga yaqin joyda, Quddusda turardi+.
15 Shoh Quddusda kumush va oltinni toshlarday+, kedr daraxtini ham Shefeladagi anjir daraxtlaridek ko‘paytirdi+.
16 Sulaymonga otlarni Misrdan yuborishardi+ va shohning savdogarlari otlarni poda-podasi bilan sotib olishardi*+.
17 Ular Misrdan har bir aravani 600, har bir otni 150 shekel kumushga sotib olib, yuborishardi. Shohning savdogarlari ularni xetiylarning shohlari va Suriya shohlariga ham olib kelishardi.
Izohlar
^ Yoki «otliqlarni».
^ Boshqa variant «Misr bilan Quvaydan keltirishardi. Shoh savdogarlari ularni Quvaydan sotib olardi». Quvay Kilikiyaga ishora qilayotgan bo‘lishi mumkin.
