Solnomalar ikkinchi kitob 2:1-18
-
Ma’bad qurilishiga hozirlik (1-18)
2 Sulaymon Yahovaning ismiga atab uy+ va o‘zi uchun saroy qurishni buyurdi+.
2 U 70 000 odamni yuk tashuvchi, 80 000 odamni tog‘larda tosh yo‘nuvchi etib+, 3 600 kishini esa ularning ustidan nazoratchi qilib tayinladi+.
3 Bundan tashqari, Sulaymon Tir shohi Xiramga+ quyidagi xabarni yo‘lladi: «Otam Dovud o‘zi uchun saroy qurganda, kedr daraxti yog‘ochlarini yuborgan edingiz+. Menga ham ulardan jo‘natsangiz.
4 Men Allohim Yahovaning ismiga atab uy qurib, uni muqaddas qilmoqchiman. Bu uyda, Uning huzurida ertalab va kechqurunlari+, Shabbat kunlari+, yangi oy chiqqanda+ hamda Xudoyimiz Yahovaning mavsumiy bayramlarida+ xushbo‘y tutatqi tutatib+, taxlam nonlar*+ va kuydiriladigan qurbonliklar keltiraman. Bu, Isroil xalqining abadiy burchidir.
5 Men barpo etmoqchi bo‘lgan uy hashamatli bo‘ladi, zero Tangrimiz boshqa barcha xudolardan buyukdir.
6 Men kim bo‘libmanki, Unga uy qursam? Zero osmon, bepoyon samo Uni sig‘dira olmaydi!+ Qo‘limdan keladigani, Uning oldida qurbonliklar kuydirib tutatish uchun uy qurish, xolos.
7 Huzurimga oltin, kumush, mis, temir+, to‘q qizilga bo‘yalgan jun, moviy va alvon rangli ip bilan ishlay oladigan, o‘ymakor bezaklar qila oladigan mahoratli bir ustani yuboring. U, Yahudo va Quddusda otam Dovud tanlagan mohir ustalarim bilan ishlaydi+.
8 Shuningdek, Livandan* kedr yog‘ochlarini, qora archa+ va sandal daraxti*+ yog‘ochlarini yuboring. Chunki Livan daraxtlarini kesishda tajribali xizmatkorlaringiz borligini yaxshi bilaman+. Xizmatkorlarim sizning xizmatkorlaringiz bilan birga mehnat qilishadi+.
9 Ular men uchun nihoyatda ko‘p yog‘och tayyorlashadi. Sababi, men quradigan uy hashamatli bo‘lishi kerak.
10 Yog‘och kesuvchi xizmatkorlaringizni oziq-ovqat bilan ta’minlayman+. Ularga 20 000 kor* bug‘doy, 20 000 kor arpa, 20 000 bat* sharob va 20 000 bat zaytun moyi beraman».
11 Keyin Tir shohi Xiram Sulaymonga: «Yahova O‘z xalqini yaxshi ko‘rgani uchun, sizni ularning ustidan shoh etib tayinladi»,— degan xabar yubordi.
12 U yana quyidagilarni yozdi: «Osmonu yerni yaratgan Isroil Xudosi Yahovaga madhlar bo‘lsin! Zero, U shoh Dovudga dono+, aql-idrokli va zakovatli+ o‘g‘il ato etdi. U Yahovaga atab uy, o‘zi uchun saroy quradi.
13 Yoningizga Xiram-Abi+ ismli mahoratli va fahm-farosatli ustani jo‘natyapman.
14 Uning onasi Dan avlodidan, otasi esa Tir shahridan. U oltin, kumush, mis, temir, tosh, yog‘och, to‘q qizilga bo‘yalgan jun, moviy ip, sifatli mato va alvon rangli ip bilan ishlay oladi+. Qolaversa, u har xil o‘ymakor bezaklar va turli narsalar yasay oladigan mahoratli ustadir+. U sizning mohir ustalaringiz va otangiz — xo‘jayinim Dovudning mohir ustalari bilan birga ishlaydi.
15 Endi, taqsirim, xizmatkorlariga va’da berganiday+, bug‘doy, arpa, zaytun moyi va sharob yuborsinlar.
16 Biz Livanda sizga qancha kerak bo‘lsa, shuncha daraxtlar kesib beramiz+ va sol yasab, dengiz orqali ularni Yaffaga jo‘natib yuboramiz+. Siz esa ularni Quddusga olib ketasiz»+.
17 So‘ng Sulaymon otasi Dovud singari+ Isroil yurtida yashovchi barcha musofirlarni sanab chiqdi+. Ularning soni 153 600 kishini tashkil etdi.
18 Shunday qilib, Sulaymon 70 000 odamni yuk tashuvchi, 80 000 odamni tog‘larda tosh yo‘nuvchi+ etib, 3 600 kishini esa ularning ishini nazorat qilishlari uchun tayinladi+.
Izohlar
^ Ya’ni tortiq etiladigan nonlar.
^ Yuqori sifatli buyumlarni ishlab chiqarishda foydalaniladigan qimmatbaho yog‘och.
^ Yoki «Lubnondan».
^ Bir kor=220 l. Ilovaning B14 mavzusiga q.
^ Bir bat=22 l. Ilovaning B14 mavzusiga q.
