Go‘zal qo‘shiq 6:1-13
6 «Ey go‘zallarning go‘zali,Sevgiling qayerda?
Yoring qaysi yo‘ldan ketdi?
Sen bilan uni izlagani boraylik».
2 «Suyukli yorim ketdi o‘z bog‘iga,Muattar hidli gulzorga,Bog‘lar aro suruvini boqish uchun,Lolalar terish uchun+.
3 Men azizimga tegishliman,Azizim esa menikidir+.
U lolalar ichida suruvini boqyapti»+.
4 «Sevgilim+, sen Tirza*+ kabi jozibadorsan,Quddus singari maftunkorsan+,Bayroqlari oldida to‘plangan askarlarday savlatlisan+.
5 Menga tikilib qarama+,Chunki ko‘zlaring meni asir etdi.
Sochlaring Gilad yonbag‘irlaridan yoyilib tushayotganEchki podasidaydir+.
6 Tishlaring cho‘miltirilganQo‘y podasiga o‘xshar.Har birining egizi bor,Birortasining qo‘zichog‘i yo‘qolmagan.
7 Yopinchiq ortida yashirilgan yonoqlaringAnor bo‘lakchasiday.
8 Menda 60 ta malika,80 ta kanizakVa son-sanoqsiz qizlar bo‘lsa-da+,
9 Ammo birgina kabutarim+, beg‘uborim bor.
U onasining yolg‘izi,
Uni tuqqan ayolning arzandasi.
Qizlar uni ko‘rib, u baxtlidir, deyishadi.Malika-yu kanizaklar uni maqtashadi.
10 “Tongday yorqin,To‘lin oyday go‘zal,Quyosh nuriday pok,Bayroqlari oldida to‘plangan askarlarday savlatli kim ekan?”»+
11 «Vodiyda kurtak otganini ko‘rish uchun,Toklar ko‘karganmikin,Anor daraxtlari gullaganmikin, deyaYong‘oq bog‘iga tushdim+.
12 Shu istak bilanO‘zim bilmagan holda,Olijanob xalqimning aravalari oldiga kelib qolibman».
13 «Qayt, qayt, ey shunamlik qiz!
Qayt, qayta qol,Chiroyingni yana bir ko‘raylik!»
«Shunamlik qizga qarab nima qilasizlar?»+
«U raqsga tushayotgan ikkita guruhga* o‘xshaydi!»