Xabaqquq 1:1-17
1 Xabaqquq* payg‘ambarning vahiy orqali olgan xabari:
2 Ey Yahova, meni eshitishing uchun qachongacha yordam so‘rab faryod qilaman?+
Zo‘ravonlikdan qutqarishing uchun qachongacha yordam so‘rayman?+
3 Nega yomonlikni ko‘rishimga yo‘l qo‘yyapsan?
Nega jabr-zulmga chidab turibsan?
Nima uchun vayronagarchilig-u zo‘ravonlik sodir bo‘lyapti?
Nega janjal va nizo ko‘payib ketdi?
4 Oqibatda qonun o‘z kuchini yo‘qotdi,Adolat hech o‘rnatilmayapti.
Yovuzlar odil kishilar ustidan boshqaryapti.Shu bois adolat buzib ko‘rsatilyapti+.
5 «Xalqlarga qarab, e’tibor bering!
Hayratdan tikilib qarang, lol qoling.Sizlarning davringizda shunday voqea yuz beradiki,Bu haqda birov sizga aytib bersa, ishonmas edingiz+.
6 Men sizlarga qarshi xaldeylarni yuboryapman+.Bu xalq berahm va shiddat bilan harakat qiladi.
Ular o‘ziga tegishli bo‘lmagan uylarni bosib olish uchun,Yer yuzining bepoyon hududlarini aylanib chiqadi+.
7 Bu xalq qo‘rqinchli va dahshatli.
Ular o‘z qonuni va hukmronligini o‘rnatadi+.
8 Ularning otlari qoplondan tez.Ular tunda izg‘ib yuradigan bo‘rilardan ham vahshiyroq+.
Ularning jang otlari shiddat bilan chopadi.Otlari uzoqlardan keladi.
Ular o‘zini pastga otgan burgut kabi o‘ljasiga tashlanadi+.
9 Ularning hammasi zo‘ravonlik qilish uchun keladi+.
Birgalikda olg‘a qadam tashlaganda, ular sahrodan keladigan kuchli shamolga o‘xshaydi+.Qum yiqqanday, ular asirlarni yig‘ib ketadi.
10 Ular shohlarni masxara qiladi,Amaldorlarni kulgiga chiqaradi+,
Har qanday istehkomni mazax qiladi+.Ular tuproq uyib, o‘sha joyni qo‘lga kiritadi.
11 Keyin esa ular yelday harakat qilib, o‘tib ketadi.Xudosining sharofati+ bilan qudratli bo‘lganiga ishongani uchun*,Ular aybdor bo‘lib qoladi+».
12 Ey Yahova, Sen azaldan mavjud emasmisan?!+
Ey, mening Muqaddas Tangrim, Sen o‘lmassan*+.
Ey Yahova, Sen ularni hukmni ijro etish uchun tayinlagansan.Mening Qoyam+, Sen ularni bizni jazolash uchun tanlagansan+.
13 Ko‘zlaring shunchalik pokki, yomonlikka qarab tura olmaysan,Yovuzlikka chidab tura olmaysan+.
Nega endi xiyonatga sabr qilyapsan?!+Yovuzlar o‘zidan odilroq insonni yutib yuborayotganiga nega indamayapsan?!+
14 Nega odamni dengizdagi baliqga,Yo‘lboshchisi bo‘lmagan sudralib yuruvchi jonzotlarga o‘xshatib qo‘yding?
15 Ularning barchasini dushman* qarmoqga ilintiradi.
Ularni o‘z to‘ri bilan ovlaydi,Yoyma to‘riga yig‘adi.
Shu sababli u rosa sevinadi+.
16 Shuning uchun u to‘riga atab qurbonliklar keltiradi,Yoyma to‘riga qurbonlik so‘yadi.Axir ularning sharofati bilan ulushi mo‘l,Yeydigan taomi saradir.
17 U to‘rini shunday to‘ldirib bo‘shataveradimi*?!
Rahm qilmay xalqlarni o‘ldiraveradimi?!+
Izohlar
^ Taxminiy ma’nosi «issiq bag‘ir».
^ Boshqa variant «Qudratini xudo deb bilgani uchun».
^ Boshqa variant «biz o‘lmaymiz».
^ Ya’ni xaldeylar.
^ Boshqa variant «Qilichini qinidan chiqaraveradimi».