Amosi 9:1-15
9 Ndo vhona Yehova+ o ima tsini na aḽeṱare, a ri: “Kwasha ṱhoho ya phuphu, uri nnḓu i dzinginyee. U vha tumule ṱhoho, nṋe ndi ḓo vhulaya vho salaho nga banga. A hu na ane a ḓo kona u shavha kana u ponyoka.+
2 Arali vha bwa Vhiḓa* uri vha dzumbame khaḽo,Ndi ḓo vha bvisa henefho;Arali vha gonya ṱaḓulu,Ndi ḓo vha tsitsa.
3 Arali vha dzumbama nṱha ha thavha ya Karamele,Ndi ḓo vha ṱoḓa u swikela ndi tshi vha wana, nda vha dzhia.+
Arali vha dzumbama fhasi-fhasi ha lwanzhe,Ndi ḓo ruma ṋowa uri i vha lume vhe henefho.
4 Arali vha iswa vhuthubwani nga maswina avho,Na henefho ndi ḓo ita uri banga ḽi vha vhulaye;+Ndi ḓo livhisa ṱhogomelo khavho uri ndi vha ḓisele khombo, hu si zwivhuya.+
5 Ngauri ndi Yehova Murena Muvhusahoṱhe ane a vha Mudzimu wa mavhuthu, a kwamaho shango,*Uri ḽi dzinginyee,+ vhadzulapo vhaḽo vhoṱhe vha ṱungufhale;+Na u ita uri ḽi ḓale sa Mulambo wa Nili,Na u ita uri ḽi xe sa Mulambo wa Nili wa ngei Egipita.+
6 ‘Ane a ita zwiṱepisi zwa u ya ṱaḓuluA fhaṱa tshifhaṱo tshawe nṱha ha ḽifhasi;Ane a amba na maḓi a lwanzhe,A a nisela ḽifhasi,+Dzina ḽawe ndi Yehova.’+
7 Yehova u ri, ‘Inwi vhathu vha Isiraele, naa kha nṋe a ni fani na Vhakushi?
Naa a tho ngo bvisa Isiraele shangoni ḽa Egipita,+Nda bvisa Vhafilisita kha ḽa Kereta,+ na u bvisa Siria kha ḽa Kiri?’+
8 ‘Nṋe Yehova Murena Muvhusahoṱhe ndo lavhelesa muvhuso u re na tshivhi,Ndi ḓo u fhelisa shangoni.+
Fhedzi a thi nga vhulayi vhoṱhe vha nnḓu ya Yakobo,’+ u ralo Yehova.
9 ‘Ndi khou ṋea ndaela,Uri hu dzinginyiswe vha nnḓu ya Isiraele kha tshaka dzoṱhe,+U fana na musi hu tshi sefiwa,Hu si vhe na tombo ḽine ḽa wela fhasi.
10 Vhathu vhanga vhoṱhe vhane vha vha vhaitazwivhi vha ḓo vhulawa nga banga,Vhenevho vhane vha ri, “Ri nga si vhuye ra welwa nga khombo.”’
11 ‘Nga ḽeneḽo ḓuvha ndi ḓo fhaṱulula nnḓu* ya Davida+ yo waho,Ndi ḓo thivha mabuli,Nda i vusulusa;Nda i fhaṱulula u fana na tshifhingani tsha kale,+
12 Uri vha dzhie zwo salaho ngei Edomo,+Na kha tshaka dzoṱhe dzine ha ambiwa nga ha dzina ḽanga,’ u ralo Yehova ane a khou ita zwenezwi.
13 Yehova u ri, ‘Hu khou ḓa maḓuvha,Ane ha ḓo limiwa, hu sa athu u kaṋiwa,Ha ḓo ṱavhiwa mbeu, hu sa athu u sukiwa nḓirivhe;+Na maḓuvha ane thavha dza ḓo rothisa waini i ḓifhaho,+Na zwikwara zwoṱhe zwa elela ngayo.+
14 Ndi ḓo vhuisa vhathu vhanga vha Isiraele vha re vhuthubwani,+Vha ḓo fhaṱulula miḓi yavho ya mashubi, vha dzula khayo;+Vha ḓo ṱavha minḓirivhe na u nwa waini yayo,+Vha vha na masimu, vha ḽa mitshelo ya hone.’+
15 ‘Ndi ḓo vha ṱavha shangoni ḽavho,A vha tsha ḓo dovha vha tupulwa,Kha shango ḽe nda vha ṋea ḽone,’+ u ralo Yehova Mudzimu waṋu.”
Ṱhaluso dzi re magumoni a siaṱari
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana “ḽifhasi.”
^ Kana “mushasha.”
