Dziphisalema 102:1-28
Thabelo ya o tsikeledzeaho musi o fhulufhuwa,* a tshi vhudza Yehova mbilaelo dzawe.+
102 Iwe Yehova, ipfa thabelo yanga;+Tshililo tshanga tsha u ṱoḓa thuso kha tshi swike kha iwe.+
2 U songo ndzumbela tshifhaṱuwo tshau musi ndo tsikeledzea.+
Sendedza nḓevhe yau kha nṋe;*Mphindule nga u ṱavhanya musi ndi tshi vhidzelela.+
3 Ngauri maḓuvha anga a ṱuwa sa vhutsi,Marambo anga a tou nga khuni dzine dza khou swa tshivhasoni.+
4 Mbilu yanga i nga hatsi ho fhiswaho nga ḓuvha ha puta,+Ngauri ndi a hangwa u ḽa zwiḽiwa zwanga.
5 Nga nṱhani ha u gomela hanga,+Marambo anga a vhonala kha ṋama yanga.+
6 Ndi tou nga ḽiṋulakhovhe ḽa sogani;Ndi fana na kugwitha ku mashubini.
7 A thi eḓeli;*Ndi nga tshiṋoni tshi re tshoṱhe nṱha ha ṱhanga.+
8 Maswina anga a ṱwa a tshi ngoḓa ḓuvha ḽoṱhe.+
Vhane vha nkolela, vha sema vhaṅwe nga dzina ḽanga.
9 Ngauri ndi ḽa miḽora sa vhurotho,+Zwine nda nwa zwo ṱangana na miṱodzi,+
10 Nga nṱhani ha mbiti dzau na u sinyuwa,Wo nkhwala uri u nndaṱe.
11 Maḓuvha anga a fana na murunzi une wa ngala-ngala,+Ndi khou puta sa hatsi.+
12 Fhedzi Iwe Yehova u wa lini na lini,+Bvumo* ḽau ḽi ḓo dzula ḽi hone kha mirafho yoṱhe.+
13 Ngangoho u ḓo takuwa wa khathutshela Tsioni,+Ngauri ndi tshifhinga tsha uri u u khathutshele;+Tshifhinga tsho vhewaho tsho swika.+
14 Ngauri vhashumeli vhau vha takadzwa nga matombo awo+Vha funa na buse ḽawo.+
15 Tshaka dzi ḓo ofha dzina ḽa Yehova,Mahosi oṱhe a ḽifhasi a ḓo ofha vhugala hau.+
16 Ngauri Yehova u ḓo fhaṱulula Tsioni;+U ḓo vhonala e kha vhugala hawe.+
17 U ḓo thetshelesa thabelo ya vha si na zwavho;+A nga si nyadze thabelo dzavho.+
18 Zwenezwi zwo ṅwalelwa murafho wa tshifhingani tshi ḓaho,+Uri vhathu vhane vha kha ḓi ḓo bebwa* vha rende Yehova.
19 Ngauri u lavhelesa fhasi e ngei nṱha hukhethwa,+Yehova u vhona ḽifhasi e ṱaḓulu,
20 Uri a pfe u gomela ha mufariwa,+Na uri a vhofholole vho haṱulelwaho lufu,+
21 Uri dzina ḽa Yehova ḽi ḓivhadzwe ngei Tsioni+Na uri a rendwe ngei Yerusalema,
22 Musi vhathu na mivhusoVha tshi kuvhangana uri vha shumele Yehova.+
23 O ndzhiela nungo dzanga tshifhinga tshi sa athu u swika;O mphungudzela maḓuvha anga.
24 Nṋe nda ri: “Iwe Mudzimu wangaU songo fhelisa vhutshilo hanga ndi sa athu u kalaha,Iwe ane miṅwaha yau ya vha ya lini na lini kha mirafho yoṱhe.+
25 Wo adza mitheo ya ḽifhasi kale-kale,Ḽiṱaḓulu ndi mishumo ya zwanḓa zwau.+
26 Ḽiṱaḓulu na ḽifhasi zwi ḓo lovha, fhedzi iwe u ḓo dzula u hone;Zwi ḓo ṱahala zwoṱhe sa tshiambaro.
Wa zwi tshintsha sa tshiambaro, zwi ḓo ṱuwa.
27 Fhedzi iwe a u shanduki, a u na magumo.+
28 Vhana vha vhashumeli vhau vha ḓo dzula vho tsireledzea,Na vhana vhavho vha ḓo dzula vho tsireledzea phanḓa hau.”+
Ṱhaluso dzi re magumoni a siaṱari
^ Kana “fhelelwa nga nungo.”
^ Kana “Kwatama u nthetshelese.”
^ Kana khamusi, “Ndo onda.”
^ Kana “Dzina.”
^ Thevhedz., “sikwa.”
