Dziphisalema 103:1-22
Phisalema ya Davida.
103 Kha ndi rende Yehova;Zwoṱhe zwine nda vha zwone kha zwi rende dzina ḽau ḽikhethwa.
2 Kha ndi rende Yehova;Ngavhe ndi sa hangwi zwoṱhe zwe a zwi ita.+
3 Ndi ene ane a u hangwela vhukhakhi hau hoṱhe+A fhodza malwadze au oṱhe;+
4 A bvisa vhutshilo hau dindini*+A u ambadza lufuno lwawe lu sa shanduki na khathutshelo.+
5 A u fusha nga zwithu zwavhuḓi+ vhutshiloni hau hoṱhe.
Wa dovha wa vha muswa vhunga goni.+
6 Yehova u sumbedza zwivhuya+ na khaṱhulo yo teahoKha vhoṱhe vho tsikeledzeaho.+
7 O ita uri nḓila dzawe dzi ḓivhiwe nga Mushe,+Mishumo yawe i ḓivhiwe nga vharwa vha Isiraele.+
8 Yehova u a khathutshela na u pfela vhuṱungu,*+Ha ṱavhanyi u sinyuwa, lufuno lwawe lu sa shanduki ndi luhulu.+
9 Ha nga dzuleli u ṱoḓa vhukhakhi,+Kana u dzula o sinyuwa lwa tshoṱhe.+
10 Ho ngo ri pfisa vhuṱungu u ya nga zwivhi zwashu,+Kana u ri lifhedza vhukhakhi hashu.+
11 Samusi ḽiṱaḓulu ḽi nṱha ha ḽifhasi,Na vhane vha mu ofha, u vha sumbedza lufuno lwawe luhulu lu sa shanduki.+
12 Vhutshinyi hashu o vhu laṱa kule,Vhunga vhubvaḓuvha vhu kule na vhukovhela.+
13 Vhunga khotsi a tshi khathutshela vhana vhawe,Na Yehova u khathutshela vhane vha mu ofha.+
14 Ngauri u a ḓivha zwavhuḓi nḓila ye ra sikwa ngayo,+U a humbula uri ri buse.+
15 Ngauri muthu maḓuvha awe a nga hatsi,+U fhufhuma vhunga luvha ḽa ḓaka.+
16 Fhedzi musi muya u tshi ḽi vhudzula, ḽi a fa,Zwa tou nga ḽo vha ḽi siho henefho.*
17 Fhedzi lufuno lwa Yehova lu sa shanduki ndi lwa lini na liniKha vhane vha mu ofha,+Zwivhuya zwawe zwi ḓo vhonwa nga vhana vha vhana vhavho,+
18 Kha vhane vha tevhedza mulanga wawe+Na vhane vha tevhedza ndaela dzawe nga vhuronwane.
19 Yehova o khwaṱhisa khuluṋoni yawe ngei ṱaḓulu;+Vhuhosi hawe vhu vhusa zwithu zwoṱhe.+
20 Rendani Yehova, inwi vharuṅwa+ vhawe vhoṱhe, vha re na maanḓa,Vhane vha ita zwine a amba,+ vha thetshelesaho ipfi ḽawe.
21 Rendani Yehova, inwi mavhuthu awe oṱhe.+
Vhaḓinḓa vhawe vha itaho zwine a zwi funa.+
22 Rendani Yehova, inwi zwivhumbiwa zwawe zwoṱhe,Zwi re fhethu hoṱhe hune a vhusa hone.*
Kha ndi rende Yehova nga zwoṱhe zwine nda vha zwone.
Ṱhaluso dzi re magumoni a siaṱari
^ Kana “vhiḓani.”
^ Kana “na u vha na vhuthu.”
^ Thevhedz., “Nahone fhethu haḽo a hu tsha ḽi ḓivha.”
^ Kana “fhethu ha vhuvhusahoṱhe hawe.”
