Dziphisalema 116:1-19
116 Ndi funa Yehova
Ngauri u pfa* ipfi ḽanga musi ndi tshi humbela thuso.+
2 Ngauri u sendedza nḓevhe yawe kha nṋe,*+Ndi ḓo mu vhidzelela ndi tshi kha ḓi tshila.
3 Ndo vha ndo vhofhiwa nga thambo dza lufu;Ndo farwa nga Vhiḓa.*+
Ndo tsikeledzea, ndi tshi khou pfa vhuṱungu.+
4 Fhedzi nda vhidzelela dzina ḽa Yehova+ nda ri:
“Iwe Yehova, ntshidze!”
5 Yehova u a pfela vhuṱungu,* o luga;+Mudzimu washu ndi wa khathutshelo.+
6 Yehova u tsireledza a si na tshenzhelo.+
Ndo vha ndo tsikeledzwa, a ntshidza.
7 Kha ndi dovhe ndi rudze mbilu,Ngauri Yehova o ntsumbedza vhuthu.
8 Wo ntshidza kha lufu,Wo ita uri ndi si tsha lila, wa ita uri mulenzhe wanga u si suvhe.+
9 Ndi ḓo tshimbila phanḓa ha Yehova ndi tshi kha ḓi tshila.
10 Ndo vha ndi na lutendo, ndi ngazwo ndo amba;+Ndo tambudzwa nga maanḓa.
11 Nṋe nda tshuwa nda ri:
“Muthu muṅwe na muṅwe u a zwifha.”+
12 Yehova ndi ḓo mu lifhela nganiZwoṱhe zwavhuḓi zwe a nnyitela zwone?
13 Ndi ḓo imisela nṱha tshinwelo tsha u tshidzwa,Ndi ḓo vhidzelela dzina ḽa Yehova.
14 Ndi ḓo ita zwe nda anela YehovaVhathu vhawe vhoṱhe vha tshi zwi vhona.+
15 Yehova ha dzhieli fhasiU fa ha vhathu vhawe vha fhulufhedzeaho.+
16 Ndi a u humbela Iwe Yehova,Ngauri ndi mushumeli wau.
Ndi mushumeli wau, murwa wa phuli yau ya mufumakadzi.
Wo mmbofholola he nda vha ndo vhofhiwa hone.+
17 Ndi ḓo u ṋekedza tshiṱhavhelo tsha u livhuwa;+Ndi ḓo vhidzelela dzina ḽa Yehova.
18 Ndi ḓo ita zwe nda anela Yehova+Vhathu vhawe vhoṱhe vha tshi zwi vhona,+
19 Ndi miṱani ya nnḓu ya Yehova,+Ndi vhukati hau, Iwe Yerusalema.
Rendani Yehova!*+
Ṱhaluso dzi re magumoni a siaṱari
^ Kana khamusi, “Ndi a funa ngauri Yehova u a pfa.”
^ Kana “u kwatama a nthetshelesa.”
^ Sedzani Mutevhe Wa Ṱhalutshedzo Ya Maipfi.
^ Kana “u na vhuthu.”
^ Kana “Haleluya!”
