Dziphisalema 130:1-8
Luimbo lwa Zwikwarani.
130 Iwe Yehova, ndi u vhidzelela ndi ngei fhasi-fhasi.+
2 Iwe Yehova, ipfa zwine nda amba.
Ngavhe u tshi mpfa musi ndi tshi humbela thuso.
3 Arali Iwe Yehova wo vha u tshi sedza* vhukhakhi,Ndi nnyi we a vha a tshi ḓo ima, Iwe Yehova?+
4 Ngauri iwe u hangwela zwa vhukuma,+Uri u ofhiwe.+
5 Ndi fhulufhela Yehova, ndi mu fhulufhela nga zwoṱhe zwine nda vha zwone;Ndi lindela zwine a amba.
6 Ndi lindela Yehova nga maṱo matswuku,+U fhira vhalindi vho lindela uri ḽi tshe,+U fhira vhalindi vho lindela maḓautsha.
7 Ngavhe Isiraele a tshi lindela Yehova,Ngauri lufuno lwa Yehova ndi lwa tshoṱhe,+U na maanḓa mahulu a u rengulula.
8 U ḓo rengulula Vhaisiraele kha vhukhakhi havho hoṱhe.
Ṱhaluso dzi re magumoni a siaṱari
^ Kana “vhalela.”
