Dziphisalema 132:1-18
Luimbo lwa Zwikwarani.
132 Iwe Yehova, humbula DavidaNa maṱungu awe oṱhe;+
2 Nḓila ye a anela ngayo Yehova,Nḓila ye a anela ngayo wa Maanḓa wa Yakobo a ri:+
3 “Ndi nga si dzhene denndeni, nḓuni yanga.+
Ndi nga si eḓele kha mmbete wanga;
4 A thi nga tendi maṱo anga a tshi farwa nga khofhe,A thi nga kumedzi
5 U swika ndi tshi wanela Yehova vhudzulo,Vhudzulo havhuḓi* ha wa Maanḓa wa Yakobo.”+
6 Ro zwi pfa ngei Efurata;+Ro zwi wana tsimuni dza ngei maḓakani.+
7 Kha ri ye hune a dzula hone;*+Kha ri gwadame fhethu hune a kanda hone.+
8 Iwe Yehova, takuwa u ye vhuaweloni hau,+Iwe na Mbulungelo ya nungo dzau.+
9 Ngavhe vhotshifhe vhau vha tshi ambara u luga,Hu fhululedze vhathu vhau vha fhulufhedzeaho.
10 U songo laṱa muḓodzwa wauU tshi itela Davida mushumeli wau.+
11 Yehova o anela Davida;Ha nga shanduki kha zwe a amba a ri:
“Kha khuluṋoni yau ndi ḓo vhea,Muṅwe wa vhana vhau.+
12 Arali vharwa vhau vha tevhedza mulanga wangaNa khumbudzo dzanga dze nda vha funza dzone,+Na vharwa vhavhoVha ḓo dzula kha khuluṋoni yau lini na lini.”+
13 Ngauri Yehova o nanga Tsioni;+O hu tama uri hu vhe vhudzulo hawe:+
14 “Ndi hone vhuawelo hanga ha lini na lini;Ndi ḓo dzula henefha,+ ngauri ndi zwine nda zwi tama.
15 Ndi ḓo hu fhaṱutshedza nga zwiḽiwa zwinzhi;Vhashai vha henefho nda vha fusha nga vhurotho.+
16 Ndi ḓo tshidza vhotshifhe vha hone,*+Vhathu vha hone vha fhulufhedzeaho vha ḓo fhululedza.+
17 Henefho ndi ḓo ita uri nungo* dza Davida dzi engedzee.
Muḓodzwa wanga ndo mu dzudzanyela luvhone.+
18 Maswina awe ndi ḓo a ambadza ṱhoni,Khare i re ṱhohoni yawe i ḓo penya.”+
Ṱhaluso dzi re magumoni a siaṱari
^ Kana “Dennde ḽikhethwa ḽihulwane.”
^ Kana “denndeni ḽawe ḽikhethwa ḽihulwane.”
^ Kana “Vhotshifhe vha hone ndi ḓo vha ambadza u tshidzwa.”
^ Thevhedz., “luṋanga.”
