Dziphisalema 137:1-9
137 Milamboni ya Babele+ ndi he ra vha ro dzula hone.
Ra lila musi ri tshi humbula Tsioni.+
2 Kha miri ya henefho* ya mipopula,Ra fhahea haripa dzashu.+
3 Ngauri vhe vha ri thuba vho ri humbela uri ri vha imbele henefho,+Vhane vha ri goḓa vho vha vha tshi ṱoḓa uri ri vha takadze, vha tshi ri:
“Ri imbeleni luṅwe lwa nyimbo dza Tsioni.”
4 Ri nga imba hani luimbo lwa YehovaRi shangoni ḽi sili?
5 Arali nda hangwa Iwe Yerusalema,Na tshanḓa tshanga tsha u ḽa nga tshi hangwe.*+
6 Ngavhe lulimi lwanga lu tshi nambatela haṋwani hangaArali nda sa u humbula,Arali nda sa hulisa YerusalemaTshiitisi tshanga tshihulwane tsha u takala.+
7 Iwe Yehova, humbula,Zwe Vhaedomo vha zwi amba musi Yerusalema u tshi fheliswaVho ri: “Thuthani! Thuthani u swika kha mitheo yawo!”+
8 Iwe ṅwananyana wa Babele, u ḓo fheliswa hu si kale,+Hu ḓo takala ane a ḓo u lifhedzaZwe wa tambudza riṋe.+
9 Hu ḓo takala ane a fara vhana vhauA vha rwisa na matombo.+
