Dziphisalema 144:1-15
Phisalema ya Davida.
144 Ngavhe Yehova, ane a vha Tombo+ ḽanga a tshi rendwa,We a gudisa zwanḓa zwanga u lwa,Na minwe yanga u lwa.+
2 Ndi ene lufuno lwanga lu sa shanduki na vhushavhelo hanga,Vhukhudo hanga na mutshidzi wanga,Tshiṱangu tshanga na Ane a ntsireledza,+Ane a ita uri vhathu vha ḓiṱukufhadze nga fhasi hanga.+
3 Iwe Yehova, muthu u tou vha mini ane wa mu ṱhogomela,Ṅwana wa muthu u tou vha mini ane wa fanela u livhisa ṱhogomelo khae?+
4 Muthu u nga mufemo zwawo;+Maḓuvha awe a fhira vhunga murunzi.+
5 Iwe Yehova, kwatamisa ḽiṱaḓulu ḽau u tse;+Kwama thavha uri dzi dube vhutsi.+
6 Ita uri hu vhe na phenyo u balanganye maswina;+Vha pfule nga misevhe yau uri vha ḓaḓe.+
7 Ṱharamudza zwanḓa zwau u ngei ṱaḓulu;Ntshidze magabeloni,Na zwanḓani zwa vhatsinda.+
8 Vhane vha amba mazwifhiNa vhane vha imisa tshanḓa tshavho tsha u ḽa uri vha ane mazwifhi.
9 Iwe Mudzimu, ndi ḓo u imbela luimbo luswa.+
Ndi ḓo u imbela thendo, ndi tshi lidza na tshilidzo tshi re na ṱhale dza fumi,
10 Ane a ita uri mahosi a kunde,+Ane a tshidza mushumeli wawe Davida kha banga ḽi vhulayaho.+
11 Ntshidze zwanḓani zwa vhatsinda,Vhane vha amba mazwifhiNa vhane vha imisa tshanḓa tshavho tsha u ḽa uri vha ane mazwifhi.
12 Nga zwenezwo, vharwa vhashu vha ḓo nga zwimela zwiṱuku zwine zwa aluwa nga u ṱavhanya,Vhananyana vhashu vha ḓo nga phuphu dzo vhaḓelwaho pfamo.
13 Maḓulu ashu a ḓo ḓala nga zwibveledzwa zwa mifuda yoṱhe;Masambi ashu a ḓo vha zwigidi zwi sa vhalei.
14 Kholomo dzashu dzi re na ḓamu dzi nga si fholodze;Hu nga si vhe na tshililo tsha u tsikeledzea khoroni dzashu.
15 Hu takala vhathu vhane zwenezwo zwa tou ralo khavho!
Hu takala vhathu vhane Mudzimu wavho a vha Yehova!+
