Dziphisalema 30:1-12
-
Zwililo zwi shanduka zwa vha dakalo
-
U khathutshelwa nga Mudzimu ndi zwa tshoṱhe (5)
-
Luimbo lwa u vula nnḓu. Luimbo lwa Davida.
30 Iwe Yehova, ndi ḓo u hulisa ngauri wo ntakulela nṱha;A wo ngo tenda maswina anga a tshi ntsea.+
2 Iwe Yehova Mudzimu wanga, ndo ṱoḓa thuso kha iwe, wa mphodza.+
3 Iwe Yehova, wo ntakulela nṱha nda bva Vhiḓani.*+
Wo ita uri ndi bvele phanḓa ndi tshi khou tshila; wa ntshidza uri ndi si tsele dindini.*+
4 Imbelani Yehova thendo, inwi vha fhulufhedzeaho,+Livhuwani dzina ḽawe ḽikhethwa;+
5 Ngauri u sinyutshelwa ngae ndi zwa tshifhinganyana,+Fhedzi u khathutshelwa ngae ndi zwa tshoṱhe.+
Hu nga liliwa nga madekwana, fhedzi nga matsheloni hu vha na dakalo.+
6 Musi hu si na tshi ndinaho ndo ri:
“A thi nga dzinginyiswi nga tshithu.”
7 Iwe Yehova, nga nṱhani ha khathutshelo yau, wo nkhwaṱhisa sa thavha.+
Fhedzi musi u tshi dzumba tshifhaṱuwo tshau, nda ofha.+
8 Iwe Yehova, ndo ḓi dzula ndi tshi u vhidzelela;+Ndo ḓi dzula ndi tshi humbela u khathutshelwa nga Yehova.
9 Hu ḓo vha na mbuyelo ifhio arali nda fa nda tsela dindini?*+
Naa buse ḽi nga u renda?+ Naa ḽi ḓo amba nga ha u fhulufhedzea hau?+
10 Iwe Yehova, mpfe, u nkhathutshele.+
Iwe Yehova, ivha muthusi wanga.+
11 Wo shandula u lila hanga ha vha u tshina;Wo mbvula madzanganda wa nnyambadza dakalo,
12 Uri ndi u imbele thendo, ndi si fhumule.
Iwe Yehova Mudzimu wanga, ndi ḓo u renda nga hu sa fheli.
Ṱhaluso dzi re magumoni a siaṱari
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana “vhiḓani.”
^ Kana “vhiḓani.”
