Dziphisalema 32:1-11
Masikili* ya Davida.
32 Hu takala we a hangwelwa vhutshinyi hawe, we zwivhi zwawe zwa fukedzwa.*+
2 Hu takala ane Yehova a si mu vhone mulandu,+Ane mihumbulo yawe i si vhe na vhufhura.
3 Musi ndi tshi fhumula, marambo anga o tshinyala nga nṱhani ha u gomela ḓuvha ḽoṱhe.+
4 Ngauri masiari na vhusiku tshanḓa tshau tsho vha tshi tshi nndemela.+
Nungo dzanga dzo xa sa maḓi a tshi xiswa nga mufhiso wa tshilimo. (Selah)
5 Huno mafheleloni nda u bulela tshivhi tshanga;Ndi si dzumbe vhukhakhi hanga.+
Nda ri: “Ndi ḓo bula vhutshinyi hanga phanḓa ha Yehova.”+
Wo nkhangwela zwivhi zwanga.+ (Selah)
6 Ndi ngazwo ane a fhulufhedzea a tshi rabela iwe+Musi u tshi kha ḓi wanala.+
Na maḓi mahulu a nga si swike khae.
7 U vhudzumbamo hanga;U ḓo ntsireledza kha khombo.+
Vhathu vha ḓo huwelela vho takala nge wa ntshidza.+ (Selah)
8 “Ndi ḓo u ṋea ṱhalukanyo nda u funza nḓila ine wa tea u i fara.+
Ndi ḓo u ṋea nyeletshedzo maṱo anga o u sedza.+
9 U songo ḓiita bere kana meila i sa pfesesi,+Ine musi i si tsha langea ya tea u langiwa nga maḓomuUri i ḓe tsini na iwe.”
10 Maṱungu a muvhi ndi manzhi;Fhedzi ane a fhulufhela Yehova o tangwa nga lufuno Lwawe lu sa shanduki.+
11 Takalelani Yehova inwi no lugaho;Huwelelani nga dakalo, inwi noṱhe vha mbilu dzo lugaho.
