Dziphisalema 38:1-22
Luimbo lwa Davida lwa u humbudza vhathu.
38 Iwe Yehova, u songo nkaidza wo sinyuwa,Kana u nkhakhulula wo halifha.+
2 Ngauri misevhe yau yo mpfula ya dzhena ngomu-ngomu,Tshanḓa tshau tshi a nkwanyeledza.+
3 Muvhili wanga woṱhe a wo ngo takala ngauri iwe wo sinyuwa.
Maramboni anga a hu na mulalo nga nṱhani ha tshivhi tshanga.+
4 Ngauri milandu yanga yo no vha nṱha ha ṱhoho yanga;+I nga muhwalo u lemelaho, ndi minzhi vhukuma lune ndi si kone u i hwala.
5 Mbonzhe dzanga dzi khou nukha, dzo siṱaNga nṱhani ha vhutsilu hanga.
6 Ndo tsikeledzea, ndo ṱungufhala nga maanḓa;Ḓuvha ḽoṱhe ndi tshimbila ndo ṱungufhala.
7 Ngomu hanga hu khou swa;Muvhili wanga woṱhe a wo ngo takala.+
8 A thi tsha pfa tshithu ndo kwashekana;Ndi khou gomela ngauri mbilu yanga i khou pfa vhuṱungu.
9 Iwe Yehova, zwoṱhe zwine nda tama zwi phanḓa hau,U lila hanga u a hu vhona.
10 Mbilu yanga i khou rwela nṱha, a thi tshee na nungo,Na maṱo anga ha tsha vhona.+
11 Khonani dzanga a dzi ṱoḓi u mmbona nga nṱhani ha vhulwadze hanga,Na vho nḓowelaho a vha ṱoḓi u vha tsini hanga.
12 Vhane vha ṱoḓa u mmbulaya, vha mmbetshela zwikwekwe;Vhane vha khou lingedza u nkhuvhadza vha amba uri vha ḓo mmbulaya;+Zwine vha hevhedzana ḓuvha ḽoṱhe ndi zwa vhufhura.
13 U fana na muthu o dzingaho nḓevhe, a tho ngo vha thetshelesa;+U fana na muthu a sa koni u amba, a tho ngo aṱama mulomo wanga.+
14 Ndi vho fana na munna a sa pfi,Ane mulomo wawe wa si ambe tshithu u itela u ḓilwela.
15 Iwe Yehova, ndo lindela iwe,+Iwe Yehova Mudzimu wanga,+ wo mphindula.
16 Ngauri ndo ri: “Ngavhe vha sa ntseiKana u ḓihudza arali mulenzhe wanga u tshi suvha.”
17 Ndo vha ndi tshi vho ṱoḓou wa,Ndo vha ndi tshi dzulela u pfa vhuṱungu.+
18 Ndo amba vhukhakhi hanga;+Ndo vha ndi tshi khou vhilaedziswa nga tshivhi tshanga.+
19 Fhedzi maswina anga a na nungo* na maanḓa,*Vhane vha mmbenga hu si na tshiitisi vho no vha vhanzhi.
20 Vho nndifhedza zwivhuya nga zwivhi;Vho vha vha tshi khou nthivhela uri ndi si ite zwivhuya.
21 Iwe Yehova, u songo nndaṱa.
Iwe Mudzimu, u songo vha kule na nṋe.+
22 Ṱavhanya u nthuse,Iwe Yehova, mutshidzi wanga.+
Ṱhaluso dzi re magumoni a siaṱari
^ Thevhedz., “mafulufulu.”
^ Kana khamusi, “Fhedzi maswina anga o ḓala hu si na tshiitisi.”
