Dziphisalema 4:1-8
Kha mulangi; lu imbiwe hu tshi lidzwa zwilidzo zwi re na ṱhale. Luimbo lwa Davida.
4 Mphindule musi ndi tshi u vhidza, Iwe Mudzimu wanga o lugaho.+
Ita uri ndi ponyoke maṱungu anga.
Nkhathutshele u pfe thabelo yanga.
2 Inwi vhana vha vhathu, ni ḓo litsha lini u nyadza vhugala hanga?
Ni ḓo litsha lini u funa zwithu zwi sa vhuyedzi tshithu na u tevhela mazwifhi? (Selah)
3 Ḓivhani uri Yehova u ḓo fara muvhuya nga nḓila yo khetheaho;Yehova u ḓo mpfa musi ndi tshi mu vhidzelela.
4 Sinyuwani, fhedzi ni songo ita tshivhi.+
Ni ambele mbiluni ni mmbeteni waṋu, ni fhumule. (Selah)
5 Ṋekedzani zwiṱhavhelo zwa u luga,Ni fhulufhele Yehova.+
6 Ndi vhanzhi vhane vha ri: “Ndi nnyi ane a ḓo ri sumbedza zwivhuya?”
Iwe Yehova, tshedza tsha tshifhaṱuwo tshau nga tshi ri vhonetshele.+
7 Wo ḓadza mbilu yanga nga dakalo ḽihuluU fhira vha re na thoro nnzhi na waini ntswa.
8 Ndi ḓo lala nda eḓela nga mulalo,+Iwe Yehova, ndi iwe u woṱhe ane wa ndzudza ho khudaho.+