Dziphisalema 46:1-11
Kha mulangi. Luimbo lwa vharwa vha Kora.+ Lu imbiwe nga kuimbele kwa Alamothe.*
46 Mudzimu ndi vhukhudo hashu na nungo dzashu,+Ri nga wana thuso khae nga hu leluwaho nga zwifhinga zwa khombo.+
2 Ndi ngazwo ri sa ḓo ofha, naho ḽifhasi ḽi tshi nga shanduka,Naho thavha dzi tshi nga wela lwanzheni,+
3 Naho maḓi alwo a tshi unga na u fhufhuma,+Naho thavha dzi tshi dzinginyea musi lwo sinyuwa. (Selah)
4 Hu na mulambo une milambwana yawo ya ita uri muḓi wa Mudzimu u takale,+Hune ha vha na dennde ḽihulu ḽikhethwa ḽa Wa-Ṱaḓulu-ṱaḓulu.
5 Mudzimu u kha wonoyo muḓi;+ u nga si wiswe.
Mudzimu u ḓo ḓa a u lamulela musi ḽi tshi tsha.+
6 Tshaka dzo vusa bonyongo, mivhuso ya wiswa;O takusa ipfi ḽawe, ḽifhasi ḽa ṋoka.+
7 Yehova wa mavhuthu u na riṋe;+Mudzimu wa Yakobo ndi vhukhudo hashu. (Selah)
8 Iḓani ni vhone mishumo ya Yehova,O ita zwithu zwi mangadzaho kha ḽifhasi.
9 U fhelisa nndwa ḽifhasini ḽoṱhe.+
U vunḓa vhura na u vunḓekanya mapfumo;U fhisa gariki dza nndwa* nga mulilo.
10 “Litshani u lwa, ni ḓivhe uri ndi nṋe Mudzimu.
Ndi ḓo huliswa vhukati ha dzitshaka;+Ndi ḓo huliswa kha ḽifhasi.”+
11 Yehova wa mavhuthu u na riṋe;+Mudzimu wa Yakobo ndi vhukhudo hashu.+ (Selah)
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
^ Kana khamusi, “fhisa zwiṱangu.”
