Dziphisalema 5:1-12
Mulangi a shumise Nehilothe.*Luimbo lwa Davida.
5 Iwe Yehova, thetshelesa zwine nda amba;+U pfe ndi tshi u lilela.
2 Ipfa tshililo tshanga tsha u ṱoḓa thuso,Iwe Khosi yanga na Mudzimu wanga, ngauri ndi rabela iwe.
3 Iwe Yehova u ḓo pfa ipfi ḽanga nga matsheloni;+Nga matsheloni ndi ḓo u vhudza zwine zwa ndina,+ nda lindela.
4 Ngauri u Mudzimu ane a si takalele vhuvhi;+A hu na muvhi ane a nga dzula na iwe.+
5 Muthu ane a ḓikukumusa a nga si ime phanḓa hau.
U vhenga vhoṱhe vhane vha ita vhuvhi;+
6 Vhane vha amba mazwifhi u ḓo vha fhelisa.+
Yehova u nengiswa nga vhathu vha khakhathi na vhufhura.*+
7 Ndi ḓo ḓa nḓuni+ yau nga nṱhani ha lufuno lwau luhulu lu sa shanduki;+Ndi ḓo gwadama phanḓa ha thembele yau khethwa* ndi tshi u ofha.+
8 Iwe Yehova, ntshimbidze u lugani hau ngauri ndi na maswina;Mvulele nḓila yau.+
9 Ngauri zwine vha amba u nga si zwi fhulufhele;Ngomu havho ho ḓala vengo;Mikulo yavho ndi vhiḓa ḽo vuleaho;Vha amba zwa u ḓifha nga ndimi dzavho.+
10 Fhedzi Mudzimu u ḓo vha vhona mulandu;Vhukwila havho vhu ḓo ita uri vha tshinyale.+
Nga vha pandelwe nga nṱhani ha vhutshinyi havho vhunzhi,Ngauri vho u shandukela.
11 Fhedzi vhoṱhe vhane vha khuda nga iwe vha ḓo takala;+Vha ḓo fhululedza.
U ḓo vha tsireledza,Vhane vha funa dzina ḽau vha ḓo takala na iwe.
12 Ngauri Iwe Yehova u ḓo fhaṱutshedza vho lugaho;U vha takalela hau zwi vha tsireledza sa tshiṱangu tshihulu.+
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
^ Kana “muthu wa u shulula malofha na vhufhura.”
^ Kana “nnḓu yau khethwa.”
