Dziphisalema 51:1-19
Kha mulangi. Luimbo lwa Davida, musi muporofita Nathani a tshi ḓa kha Davida we a ita zwa vhudzekani na Batseba.+
51 Nkhathutshele, Iwe Mudzimu, u ya nga lufuno lwau lu sa shanduki.+
Phumula vhutshinyi hanga nga khathutshelo yau khulu.+
2 Nṱanzwe tshoṱhe kha vhukhakhi hanga,+U nkunakise kha tshivhi tshanga.+
3 Ngauri vhutshinyi hanga ndi a vhu ḓivha zwavhuḓi,Tshivhi tshanga tshi dzula tshi phanḓa hanga.*+
4 Ndo khakhela iwe u fhira vhaṅwe vhoṱhe;*+Ndo tshinya phanḓa hau.+
Zwine wa amba zwi sumbedza uri wo lugaNa uri u haṱula nga nḓila yo teaho.+
5 Ndo bebiwa ndi na mulandu,Ndo vha ndi na tshivhi musi ndi muvhilini wa mme anga.*+
6 Iwe u takalela mbilu ya muthu a fhulufhedzeaho;+Funza mbilu yanga* vhuṱali ha ngoho.
7 Nkunakise kha tshivhi tshanga nga muhisopo, uri ndi kune;+Nṱanzwe ndi tshene u fhira mahaḓa.+
8 Ita uri ndi takale ndi pembele,Uri marambo e wa a kwasha a takale.+
9 U songo sedza zwivhi zwanga,+U phumule vhukhakhi hanga hoṱhe.+
10 Iwe Mudzimu, ntsikele mbilu yo ṱambaho,+Ngomu hanga u dzhenise muya muswa,+ wo khwaṱhaho.
11 U songo mpandela phanḓa hau;U songo ndzhiela muya wau mukhethwa.
12 Dovha u nṋee dakalo ḽa u tshidzwa nga iwe;+Nṱuṱuwedze uri ndi ḓiimisele u u thetshelesa.
13 Ndi ḓo funza vha pfukaho mulayo nḓila dzau,+Uri vhaitazwivhi vha vhuyelele ha iwe.
14 Ntshidze kha mulandu wa malofha,+ Iwe Mudzimu, Mudzimu ane a ntshidza,+Uri lulimi lwanga lu ḓivhadze u luga hau nga dakalo.+
15 Iwe Yehova, vula mulomo wanga,Uri ndi u rende.+
16 Ngauri a u ṱoḓi tshiṱhavhelo, arali wo vha u tshi tshi ṱoḓa, ndo vha ndi tshi ḓo tshi ṋekedza;+A u takaleli tshifhiwa tsha u fhiswa.+
17 Zwiṱhavhelo zwine Mudzimu a zwi takalela ndi muya wo kwasheaho;Iwe Mudzimu, mbilu yo kwashekanaho na yo vunḓekanaho u nga si i laṱe.*+
18 Nga khathutshelo yau itela Tsioni zwivhuya;U fhaṱe mbondo dza Yerusalema.
19 Ndi hone u tshi ḓo takalela zwiṱhavhelo zwa u luga,Zwiṱhavhelo zwa u fhiswa na zwifhiwa zwo fhelelaho;Ndi hone hu tshi ḓo ṋekedzwa mboho aḽeṱareni yau.+
Ṱhaluso dzi re magumoni a siaṱari
^ Kana “tshi muhumbuloni wanga.”
^ Thevhedz., “iwe u woṱhe.”
^ Kana “Ndo vha na tshivhi nga tshifhinga tshee mme anga vha vhifha muvhilini nga nṋe.”
^ Kana “zwine nda vha zwone nga ngomu.”
^ kana “nyadze.”
