Dziphisalema 53:1-6
Kha mulangi; lu imbiwe nga kuimbele kwa Mahalathi.* Masikili* ya Davida.
53 Tsilu ḽi amba mbiluni yaḽo ḽa ri:
“A hu na Yehova.”+
Zwine vha ita a zwi ḓivhalei, zwi a nengisa;A hu na ane a ita zwo lugaho.+
2 Fhedzi Mudzimu u sedza vhana vha vhathu e ṱaḓulu+Uri a vhone arali hu na a re na ṱhalukanyo, na ane a ṱoḓa Yehova.+
3 Vhoṱhe vho shanduka;Vhoṱhe vha a fana, vho tshinyala.
A hu na ane a ita zwo lugaho,A hu na na muthihi zwawe.+
4 Naa hu na vhaitazwivhi vha re na ṱhalukanyo?
Vha ḽa vhathu vhanga vhunga vha tshi ḽa vhurotho.
A vha vhidzeleli Yehova.+
5 Fhedzi vha ḓo tshuwa zwihulu,Vha vha na nyofho dzine a vha athu u vhuya vha vha nadzo,*Ngauri Mudzimu u ḓo balanganya marambo a vhane vha lwa na inwi.*
Ni ḓo vha shonisa, ngauri Yehova o vha laṱa.
6 U tshidzwa ha Isiraele hu ḓo bva hu Tsioni!+
Musi Yehova a tshi dovha a kuvhanganya vhathu vhawe vha mathubwa,Yakobo nga a pembele, Isiraele a takale.
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
^ Sedzani Mutevhe Wa Ṱhalutshedzo Ya Maipfi.
^ Kana khamusi, “Vha ofha hu si na tshi ofhisaho.”
^ Thevhedz., “vho athaho madennde u itela u lwa na inwi.”
