Dziphisalema 58:1-11
-
Hu na Mudzimu a haṱulaho ḽifhasi
-
Thabelo ya uri hu pfiswe vhavhi vhuṱungu (6-8)
-
Kha mulangi; hu imbiwe luimbo lune lwa ri: “U Songo Mphelisa.” Luimbo lwa Davida. Mikitami.*
58 Ni nga amba hani nga ha u luga ngeno no fhumula?+
Inwi vhana vha vhathu, naa ni nga haṱula nga nḓila yo lugaho?+
2 Nṱhani hazwo, ni vhamba maano mavhi mbiluni dzaṋu,+Zwanḓa zwaṋu zwi phaḓaladza dzikhakhathi shangoni.+
3 Vhavhi vha pambuwa u bva u bebwani havho;A vha langei, vha a zwifha u bva u bebwani havho.
4 Maipfi avho a tou nga vhuṱungu ha ṋowa;+Vho dzinga nḓevhe u fana na phakhuphakhu ine ya thivha nḓevhe.
5 A i thetshelesi ipfi ḽa vhaungeledzi,Hu sa londwi uri ndi vhomakone kha zwa madambi.
6 Iwe Mudzimu, kula maṋo milomoni yavho!
Iwe Yehova, vunḓa ṱhaha dza hedzi ndau.*
7 Ngavhe vha tshi ngala-ngala sa maḓi a tshi xa.
Ngavhe A tshi atha vhura hawe a vha pfula nga misevhe yawe.
8 Ngavhe vha tshi nga khumba ine ya ṋoka musi i tshi khou tshimbila;A vha nga ḓo vhona ḓuvha u fana na ṅwana o bebwaho o fa mbumbeloni ya mme awe;
9 Musi bodo dzi sa athu u vhiliswa nga mulilo wa tshiṱaka tsha mipfa,U ḓo kumba khuni dza mageḓa na dzine dza khou duga wa dzi laṱela kule u fana na ḓumbu.+
10 Muvhuya u ḓo takala ngauri o vhona hu tshi lifhedzwa;+Milenzhe yawe i ḓo ṋukadzwa nga malofha a vhavhi.+
11 Nga zwenezwo, vhathu vha ḓo ri: “Vhukuma vho lugaho vha wana malamba.+
Vhukuma hu na Mudzimu ane a haṱula kha ḽifhasi.”+