Dziphisalema 59:1-17
Kha mulangi; hu imbiwe luimbo lune lwa ri: “U Songo Mphelisa.” Luimbo lwa Davida. Mikitami.* Musi Saulo a tshi ruma vhathu uri vha ye u lalela Davida nḓuni yawe uri vha mu vhulaye.+
59 Iwe Mudzimu wanga, ntshidze kha maswina anga;+Ntsireledze kha vhane vha mvutshela.+
2 Ntshidze kha vhavhi,Ntshidze kha vhathu vha dzikhakhathi.
3 Khevha, vho nndalela;+Vhathu vha re na maanḓa vha khou mvutshelaIwe Yehova, a si nga nṱhani ha vhushandukwa kana nge nda ita tshivhi.+
4 Naho ndi songo khakha, vha a gidima uri vha mvutshele.
Takuwa musi ndi tshi u vhidzelela u vhone.
5 Iwe Yehova Mudzimu wa mavhuthu, u Mudzimu wa Isiraele.+
Fhaṱuwa u livhise ṱhogomelo kha tshaka dzoṱhe.
U songo khathutshela vhafheṱi vhavhi.+ (Selah)
6 Vha a vhuya nga madekwana maṅwe na maṅwe;+Vha huvha sa mmbwa,+ vha mona na muḓi.+
7 Vhona zwine zwa bva milomoni yavho;Milomo yavho i nga mabanga,+Ngauri vha ri: “Ndi nnyi ane a ḓo ri pfa?”+
8 Fhedzi Iwe Yehova, u ḓo vha sea;+U ḓo goḓa tshaka dzoṱhe.+
9 Iwe Nungo dzanga, ndi ḓo dzula ndo u lindela;+Ngauri Mudzimu ndi vhukhudo hanga.+
10 Mudzimu we a ntsumbedza lufuno lu sa shanduki u ḓo nthusa;+Mudzimu u ḓo ita uri ndi kunde maswina anga.+
11 U songo vha vhulaya, uri vhathu vha hashu vha si hangwe.
U vha balanganye nga maanḓa au;Iwe Yehova tshiṱangu tshashu, vha wise.+
12 Ngauri vha ita zwivhi nga zwine vha zwi amba nga milomo yavho,Ngavhe vha tshi fashwa nga u ḓihudza havho,+Nga nṱhani ha u dzulela u semana na u fhura.
13 Vha fhelise nga mbiti dzau;+Vha fhelise uri vha si tsha vha hone;U vha ite uri vha ḓivhe zwa uri Mudzimu u vhusa kha ḽa Yakobo na u swika magumoni a ḽifhasi.+ (Selah)
14 Vha litshe vha vhuye nga madekwana,Vha litshe vha huvhe sa mmbwa, vha mone na muḓi.+
15 Vha litshe vha mona-mone vha tshi ṱoḓa zwiḽiwa;+Ita uri vha si fure kana vha si wane fhethu ha u eḓela.
16 Fhedzi a vha nṋe, ndi ḓo imba nga ha nungo dzau;+Nga matsheloni ndi ḓo amba nga ha lufuno lwau lu sa shanduki ndo takala.
Ngauri u vhukhudo hanga+Fhethu hune nda shavhela hone nga tshifhinga tsha khombo.+
17 Iwe Nungo dzanga, ndi ḓo u imbela thendo,+Ngauri Mudzimu ndi vhukhudo hanga, Mudzimu a ntsumbedzaho lufuno lu sa shanduki.+
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
