Dziphisalema 6:1-10
Kha mulangi; lu imbiwe hu tshi lidzwa zwilidzo zwi re na ṱhale, nga kulidzele kwa Sheminithi.* Luimbo lwa Davida.
6 Iwe Yehova, u songo nkaidza wo sinyuwa,U songo nkhakhulula wo halifha.+
2 Nkhathutshele Iwe Yehova, ngauri ndi khou fhelelwa nga nungo.
Mphodze Iwe Yehova,+ ngauri marambo anga a khou tetemela.
3 Ngangoho ndo hanganea zwihulu,+Ndi vhudzisa Iwe Yehova, zwi ḓo guma lini?+
4 Iwe Yehova, vhuyelela kha nṋe u ntshidze;+Ntshidze u tshi itela lufuno lwau lu sa shanduki.+
5 Ngauri vhafu a vha ambi* nga ha iwe;Ndi nnyi ane a ḓo u renda ngei Vhiḓani?*+
6 Ndo neta nga u fhihamelwa;+Vhusiku hoṱhe ndi eḓela ndi tshi ṋukadza mmbete wanga nga miṱodzi.
Ndo ṋukadza sofa ḽanga nga u lila.+
7 Ndo tsikeledzea nga u pfa vhuṱungu;+A thi tsha vhona zwavhuḓi nga nṱhani ha vhoṱhe vhane vha ntovhola.
8 Sendelani kule na nṋe, inwi noṱhe vha itaho zwivhi,Ngauri Yehova u ḓo pfa mukosi wa tshililo tshanga.+
9 Yehova u ḓo pfa khumbelo yanga ya u ṱoḓa u khathutshelwa;+Yehova u ḓo fhindula thabelo yanga.
10 Maswina anga oṱhe a ḓo shoniswa na u ṱungufhadzwa;A ḓo huma o shoniswa nga tshenetsho tshifhinga.+
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana “humbuli.”