Dziphisalema 60:1-12
Kha mulangi; hu imbiwe luimbo lune lwa ri: “Luvha Ḽa Volenga* Ḽa U Humbudza.” Mikitami.* Luimbo lwa Davida. Lu shumiselwe u funza. Musi a tshi lwa na Aramu-naharaimi na Aramu-Tsoba na Yoaba, a vhuya a vhulaya Vhaedomo vha 12 000 Govhani ḽa Muṋo.+
60 Iwe Mudzimu, wo ri laṱa; wo ri kunda.+
Wo vha wo ri sinyutshela; fhedzi zwino dovha u ri ṱanganedze!
2 Wo ita uri ḽifhasi ḽi dzinginyee; wo ḽi fhandula.
Thivha mitwe yaḽo, ngauri ḽi khou kwashekana.
3 Wo ita uri vhathu vhau vha pfe vhuṱungu.
Wo ri nwisa waini ine ya ita uri ri pepeleke.+
4 Ṋea* vhane vha u ofha tshigaUri vha shavhe na u tinya vhura. (Selah)
5 Uri vhane wa vha funa vha tshidzwe,Ri tshidze nga tshanḓa tshau tsha u ḽa, u ri fhindule.+
6 Mudzimu o amba e kha vhukhethwa hawe* a ri:
“Ndi ḓo pembela, ḽa Shikeme ndi ḓo ḽi kovha sa ifa,+Ndi ḓo kala Govha ḽa Sukothe.+
7 Ḽa Giḽiada ndi ḽanga, na ḽa Manase ndi ḽanga,+Ḽa Efuraimi ndi gondolo* ḽa ṱhoho yanga;Ḽa Yuda ndi lubaḓa lwanga lwa vhuhosi.+
8 Ḽa Moaba ndi sambelo ḽanga.+
Ndi ḓo laṱela thovho* dzanga kha ḽa Edomo.+
Ndi ḓo fhululedza kha ḽa Filisita.”+
9 Ndi nnyi ane a ḓo nnyisa muḓini wo tangiwaho?*
Ndi nnyi ane a ḓo nthanga phanḓa a ntswikisa kha ḽa Edomo?+
10 Naa a si Iwe Mudzimu we wa ri laṱa,Iwe Mudzimu washu ane wa si tsha bva na mmbi dzashu?+
11 Ri thuse musi ro tsikeledzea,Ngauri u tshidzwa nga vhathu a zwi vhuyedzi tshithu.+
12 Mudzimu u ḓo ri ṋea maanḓa,+U ḓo kandekanya maswina ashu.+
Ṱhaluso dzi re magumoni a siaṱari
^ Kana “Ḽiḽi.”
^ Sedzani Mutevhe Wa Ṱhalutshedzo Ya Maipfi.
^ Kana khamusi, “Wo ṋea.”
^ Kana khamusi, “e fhethu hawe hukhethwa.”
^ Thevhedz., “dzhavhelo.”
^ Kana “phashane, navhula.”
^ Kana khamusi, “tsireledzwaho nga mbondo.”
