Dziphisalema 66:1-20
Kha mulangi. Phisalema. Luimbo.
66 Ḽifhasi ḽoṱhe nga ḽi pembelele Mudzimu.+
2 Imbelani dzina ḽawe ḽi re na vhugala thendo.
Rendani vhugala hawe.+
3 Ambani na Mudzimu ni ri: “Mishumo yau i mangadza lungafhani!+
Nga nṱhani ha maanḓa au mahulu,Maswina au a ḓo tetemela phanḓa hau.+
4 Ḽifhasi ḽoṱhe ḽi ḓo u gwadamela;+Vha ḓo u imbela thendo;Vha ḓo imbela dzina ḽau thendo.”+ (Selah)
5 Iḓani ni vhone mishumo ya Mudzimu.
Mishumo ine a i itela vhana vha vhathu i a mangadza.+
6 O shandukisa lwanzhe lwa vha shango ḽo omaho;+Vha wela mulambo nga milenzhe.+
Henefho ndi he ra mu takalela.+
7 U vhusa lini na lini+ nga maanḓa awe.
Maṱo awe a dzula o lavhelesa dzitshaka.+
Vhane vha vha na swili a vho ngo fanela u ḓihudza.+ (Selah)
8 Inwi vhathu, rendani Mudzimu washu,+Thendo dzawe nga dzi pfiwe.
9 U a ri tshidza;+Ha tendi milenzhe yashu i tshi khukhulwa.+
10 Ngauri wo ri ṱolisisa Iwe Mudzimu;+Wo ri kunakisa u fana na musi u tshi kunakisa siḽiva.
11 Wo ri dzhenisa mambuleni a u zwima;Wo ri hwesa muhwalo u lemelaho.
12 Wo tendela muthu a tshi ri kandekanya;Ro pfuka muliloni na maḓini;Wa ri isa fhethu ha u awela.
13 Ndi ḓo ḓa nḓuni yau ndi na tshifhiwa tsha u fhiswa;+Ndi ḓo ita zwe nda u anela+
14 Zwe mulomo wanga wa fhulufhedzisa+Na zwe nda amba musi ndo tsikeledzea.
15 Ndi ḓo u ṋekedza zwifhiwa zwa u fhiswa zwa zwifuwo zwo nonahoMusi ndi tshi dubisa zwiṱhavhelo zwa thutha.
Ndi ḓo ṋekedza mboho na zwibokoṱo. (Selah)
16 Iḓani ni thetshelese inwi noṱhe ni ofhaho Mudzimu,Ndi ḓo ni vhudza zwe a nnyitela zwone.+
17 Ndo mu vhidzelela nga mulomo wangaNdo mu hulisa nga lulimi lwanga.
18 Arali mbiluni yanga ho vha hu na vhuvhi naho vhu vhufhioYehova o vha a tshi ḓo vha a songo mpfa.+
19 Fhedzi Mudzimu o mpfa;+O thetshelesa thabelo yanga.+
20 Nga hu rendwe Mudzimu we a si landule thabelo yangaKana we a si litshe u ntsumbedza lufuno lwawe lu sa shanduki.
