Dziphisalema 7:1-17
-
Yehova ndi Muhaṱuli o lugaho
-
“Iwe Yehova, nkhaṱhule” (8)
-
Luimbo lwa tshililo* lwa Davida lwe a lu imbela Yehova nga ha maipfi a Kushi wa Mubenyamini.
7 Iwe Yehova Mudzimu wanga, ndo khuda nga iwe.+
Ntshidze, u nndamulele kha vhoṱhe vha ntovholaho.+
2 Vha sa ḓo nṱhukhukanya sa zwine ndau ya ita,+Vha nkokodza ndi si na mulamuleli.
3 Iwe Yehova Mudzimu wanga, arali e nṋe ndo khakhaho,Arali ndo ita zwi songo lugaho,
4 Arali ndo khakhela ane a nnyitela zwivhuya,+Kana arali ndo dzhiela swina ḽanga thundu hu si na tshiitisi,*
5 Hone swina nga ḽi mpandamedze ḽi mpfare;Ḽi litshe ḽi kandekanye vhutshilo hanga fhasiḼi fhelise vhugala hanga buseni. (Selah)
6 Iwe Yehova, takuwa wo sinyuwa;Vutshela maswina anga;+Takuwa u nthuse, u ite uri hu vhe na khaṱhulo yo teaho.+
7 Tshaka nga dzi u tinge;Iwe u lwe nadzo u ngei nṱha.
8 Yehova u ḓo haṱula vhathu.+
Iwe Yehova, nkhaṱhule u ya nga u luga hangaNa u ya nga u fhulufhedzea hanga.+
9 Ndi humbela uri u fhelise mishumo mivhi ya vhavhi.
Fhedzi khwaṱhisa muvhuya,+Samusi u Mudzimu o lugaho+ ane a ṱola dzimbilu+ na nḓila ine muthu a ḓipfa ngayo.*+
10 Mudzimu ndi tshiṱangu tshanga,+ Mutshidzi wa vha mbilu dzo lugaho.+
11 Mudzimu ndi Muhaṱuli o lugaho,+Mudzimu u ḓivhadza khaṱhulo dzawe ḓuvha ḽiṅwe na ḽiṅwe.
12 Arali muthu a sa rembuluwi,+ U ṱuṱula banga ḽawe;+A akha vhura hawe o ḓilugiselela u pfula.+
13 U lugiselela zwiṱhavhane zwi vhulayaho;U ita uri misevhe yawe i dugaho mulilo i lugele u pfula.+
14 Sedza uyo o vhifhiswaho muvhilini nga vhuvhi;A ḓihwala nga khakhathi a beba mazwifhi.+
15 U bwa dindi a tsitsa vhukuma,Fhedzi ene muṋe u wela dindini ḽe a ḽi bwa.+
16 Khakhathi ine a i ita i ḓo humela kha ṱhoho yawe;+Vhuvemu vhune a vhu ita vhu ḓo wela kha ṱhoho yawe.
17 Ndi ḓo renda Yehova ndi tshi itela khaṱhulo yawe;+Ndi ḓo imbela dzina ḽa Yehova+ Wa-Ṱaḓulu-ṱaḓulu+ thendo.
Ṱhaluso dzi re magumoni a siaṱari
^ Kana “u ṱungufhala.”
^ Kana khamusi, “Arali ndo litsha ane a ntovhola hu si na tshiitisi.”
^ Kana “ane a linga mbilu na tswio.”