Dziphisalema 74:1-23
Masikili* ya Asafu.+
74 Iwe Mudzimu, wo ri laṱelani lwa tshoṱhe?+
Ndi ngani wo sinyutshela sambi ḽa pfulo yau?+
2 Humbula vhathu* vhe wa vha nanga kale-kale,+Lushaka lwe wa lu rengulula uri lu vhe ifa ḽau.+
Humbula Thavha ya Tsioni, he wa dzula hone.+
3 Iya mashubini a kale-kale.+
Swina ḽo fhelisa zwithu zwoṱhe zwa fhethu hukhethwa.+
4 Maswina au a ṱavha mukosi e fhethu hune ha ṱanganiwa hone.*+
Vho vhea zwiga zwavho henefho uri zwi vhe tswayo.
5 Vha nga vhanna vhane vha khou rema ḓaka ḽihulu nga dzimbaḓo.
6 Vho kwasha mbondo dzoṱhe dzo koriwaho+ dza henefho nga dzimbaḓo na nga dzitsimbi.
7 Vho fhisa nnḓu yau khethwa nga mulilo.+
Vho tshikafhadza dennde ḽi re na dzina ḽau, vha ḽi wisela fhasi.
8 Vhone na vhana vhavho vho amba mbiluni dzavho vha ri:
“Nga hu fhiswe fhethu hoṱhe ha Mudzimu hune ha ṱanganiwa hone.”*
9 A hu na zwiga zwine ra ḓo zwi vhona;A hu tshee na muporofita na muthihi,Vhukati hashu a hu na ane a ḓivha uri zwenezwi zwithu zwi ḓo guma lini.
10 Iwe Mudzimu, mutovholi u ḓo dzulela u ngoḓa u swika lini?+
Naa swina ḽi ḓo nyadza dzina ḽau lwa tshoṱhe?+
11 Ndi ngani u tshi humisa tshanḓa tshau tsha u ḽa?+
Tshi bvise kha khana* yau u vha fhelise.
12 Fhedzi Mudzimu ndi Khosi yanga u bva kale-kale,Ene ane a tshidza kha ḽifhasi.+
13 Wo dzikusa lwanzhe nga nungo dzau;+Wo kwashekanyela maḓini ṱhoho dza zwivhanda zwa lwanzheni.
14 Wo kwasha ṱhoho dza Liviathani;*Wa ḽi ṋea vhathu uri ḽi vhe zwiḽiwa zwavho, wa ḽi ṋea vhadzulapo vha masogani.
15 Wo phula fhasi uri zwisima na milambwana zwi elele;+Wo xisa milambo ine ya dzulela u elela.+
16 Masiari na vhusiku ndi zwau.
Ndi iwe wo itaho tshedza* na ḓuvha.+
17 Ndi iwe we wa vhea mikano yoṱhe ya kha ḽifhasi;+Ndi iwe we wa ita uri hu vhe na tshilimo na vhuria.+
18 Iwe Yehova, humbula zwigoḓo zwa maswina,Nḓila ye matsilu a nyadza ngayo dzina ḽau.+
19 U songo kumedzela zwivhanda vhutshilo ha ḽiivha-muronzhe ḽau.
U songo hangwa lwa tshoṱhe vhutshilo ha vhathu vhau vhane vha khou tambula.
20 Humbula mulanga we wa u vhofha na riṋe,Ngauri fhethu hu re na swiswi kha ḽifhasi ndi haya ha mavemu.
21 Ngavhe o tsikeledzeaho a sa humi o shona;+Ngavhe ane a ḓiṱukufhadza na mushai vha tshi renda dzina ḽau.+
22 Iwe Mudzimu, takuwa u ḓisengele.
Humbula nḓila ye tsilu ḽa u goḓa ngayo ḓuvha ḽoṱhe.+
23 U songo hangwa zwine maswina au a zwi amba.
Bonyongo ḽa vhane vha u nyadza ḽi ḓi ṋaṋa ḽi tshi ya.
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
^ Thevhedz., “tshitshavha tshau.”
^ Kana “fhethu hau hune ha kuvhanganiwa hone.”
^ Kana “fhethu hoṱhe hune Mudzimu a rabelwa hone.”
^ Kana “kha tshikwama tsha tshiambaro.”
^ Sedzani Mutevhe Wa Ṱhalutshedzo Ya Maipfi.
^ Kana “tshivhonetsheli.”
