Dziphisalema 75:1-10
-
Mudzimu u haṱula a sa ṱaluli
-
Vhavhi vha ḓo nwa kha tshinwelo tsha Yehova (8)
-
Kha mulangi. Hu imbiwe luimbo lune lwa ri: “U Songo Mphelisa.” Phisalema ya Asafu.+ Luimbo.
75 Ri a u livhuwa Iwe Mudzimu, ri a u livhuwa;Dzina ḽau ḽi tsini,+Vhathu vha amba nga ha mishumo yau i mangadzaho.
2 Wo ri: “Musi ndi tshi vhea tshifhinga,Ndi haṱula ndi sa ṱaluli.
3 Musi ḽifhasi ḽi tshi dzinginyea na vhadzulapo vhaḽo vhoṱhe,Ndi nṋe we nda khwaṱhisa phuphu dzaḽo.” (Selah)
4 Ndi amba na vhane vha zuwa nda ri: “Ni songo zuwa,”Ndi amba na vhavhi nda ri: “Ni songo takusa nungo* dzaṋu.
5 Ni songo takusela nṱha nungo* dzaṋuKana u amba nga u ḓikukumusa.
6 Ngauri u huliswa a hu bviVhubvaḓuvha kana vhukovhela kana tshipembe.
7 Ngauri Mudzimu ndi Muhaṱuli.+
U ṱukufhadza muṅwe a hudza muṅwe.+
8 Ngauri Yehova o fara tshinwelo nga tshanḓa;+Waini i fhufhuma bulo, yo vanganywa vhukuma.
U ḓo i shulula zwa vhukuma,Vhavhi vhoṱhe vha kha ḽifhasi vha ḓo i nwa, vha nwa na zwidziki zwayo.”+
9 Fhedzi nṋe ndi ḓo zwi ḓivhadza nga hu sa fheli;Ndi ḓo imbela Mudzimu wa Yakobo thendo.
10 Nge a ri: “Ndi ḓo vunḓa nungo* dzoṱhe dza vhavhi,Fhedzi nungo* dza vhavhuya dzi ḓo engedzea.”
Ṱhaluso dzi re magumoni a siaṱari
^ Thevhedz., “luṋanga.”
^ Thevhedz., “luṋanga.”
^ Thevhedz., “ṋanga.”
^ Thevhedz., “ṋanga.”
