Dziphisalema 76:1-12
Kha mulangi; lu imbiwe hu tshi lidzwa zwilidzo zwi re na ṱhale. Phisalema ya Asafu.+ Luimbo.
76 Mudzimu u ḓivhiwa kha ḽa Yuda;+Dzina ḽawe ndi ḽihulu kha ḽa Isiraele.+
2 Vhukhudo hawe vhu ngei Salema,+Vhudzulo hawe vhu ngei Tsioni.+
3 Henefho o vunḓekanya misevhe i dugaho,Tshiṱangu na banga na zwiṱhavhane zwa nndwa.+ (Selah)
4 Iwe u a penya vhukuma;*U muhulwane u fhira thavha dzi dzulaho zwivhanda.
5 Vha re na tshivhindi vho dzhielwa thundu.+
Vho eḓela;Vhahali vhoṱhe a vho ngo kona u ita tshithu.+
6 Iwe Mudzimu wa Yakobo,Bere na muṋameli wa gariki vho eḓela nge wa vha kaidza.+
7 Ndi iwe u woṱhe ane a ofhisa.+
Ndi nnyi ane a nga kona u konḓelela musi wo sinyuwa zwihulu?+
8 Wo ḓivhadza khaṱhulo u ṱaḓulu;+Ḽifhasi ḽo vha ḽo tshuwa, ḽo fhumula+
9 Musi Mudzimu a tshi takuwa uri a haṱule,Uri a tshidze vhoṱhe vho vuḓaho vha kha ḽifhasi.+ (Selah)
10 Ngauri mbiti dza vhathu dzi ḓo ita uri u rendiwe;+Wa ḓinakisa nga nyito dzavho dza mbiti dza u fhedzisa.
11 Anelani Yehova Mudzimu waṋu, ni ite zwe na ana,+Vhoṱhe vha re tsini nae nga vha ḓise tshifhiwa tshavho nga nyofho.+
12 U ṱukufhadza vharangaphanḓa vhane vha ḓihudza;A ita uri mahosi a kha ḽifhasi a dzhenwe nga nyofho.
Ṱhaluso dzi re magumoni a siaṱari
^ Kana “Wo fukedzwa nga tshedza.”
