Dziphisalema 80:1-19
Kha mulangi; hu imbiwe luimbo lune lwa ri: “Luvha Ḽa Volenga.”* Luimbo lwa Asafu+ lwa u humbudza.
80 Iwe mulisa wa Isiraele, thetshelesa,Iwe ane wa lisa Yosefa u fana na sambi.+
Iwe wo dzulaho nṱha* ha vhakerube,+Ngavhe u tshi penya.
2 Sumbedza maanḓa au+Phanḓa ha Efuraimi na Benyamini na Manase;U ḓe u ri tshidze.+
3 Iwe Mudzimu, dovha u ri ṱanganedze;+Ri sumbedze vhuthu,* uri ri tshidzwe.+
4 Yehova Mudzimu wa mavhuthu, u ḓo litsha lini u sa takalela thabelo dza vhathu vhau?+
5 Wa ita uri vha ḽe miṱodzi sa vhurotho,Wa ita uri vha nwe miṱodzi minzhi.
6 Wa ita uri vhahura vhashu vha lwe na riṋe;Maswina ashu a dzulela uri goḓa nga hune a funa ngaho.+
7 Iwe Mudzimu wa mavhuthu, dovha u ri ṱanganedze;Ri sumbedze vhuthu,* uri ri tshidzwe.+
8 Wo tupula munḓirivhe+ Egipita.
Wa pandela dzitshaka, wa u ṱavha.+
9 Wo u ṱahulela,Wa ṱoka midzi, wa ḓadza shango.+
10 Thavha dzo vha dzo tibedzwa nga murunzi wawo,Matavhi awo o tiba miṱaululo ya Mudzimu.
11 Matavhi awo a navha a swika lwanzheni,Na matavhi awo a navha a swika Mulamboni.*+
12 Ndi ngani wo wisa mitsheṱo yo tangaho tsimu ya minḓirivhe,+Uri vhoṱhe vha fhiraho nga henefho vha fule mitshelo yayo?+
13 Nguluvhe dza ḓaka dza u kandekanya,Phukha dza ḓaka dza u ḽa.+
14 Iwe Mudzimu wa mavhuthu, ri humbela uri u vhuye.
Lavhelesa u ṱaḓulu, u vhone!
Ṱhogomela hoyu munḓirivhe,+
15 Munḓirivhe* we wa ṱavhiwa nga tshanḓa tshau tsha u ḽa,+Lavhelesa ṅwana we* wa tou mu khwaṱhisa iwe muṋe.+
16 Wo swa nga mulilo,+ wa remiwa.
Vha a fa musi u tshi vha kaidza.
17 Ngavhe tshanḓa tshau tshi tshi tika munna a re kha tshanḓa tshau tsha u ḽa,Murwa muthu we wa mu khwaṱhisa iwe muṋe.+
18 Ndi hone ri sa ḓo u shandukela.
Ri tshidze uri ri kone u vhidzelela dzina ḽau.
19 Iwe Yehova Mudzimu wa mavhuthu, dovha u ri ṱanganedze;Ri sumbedze vhuthu,* uri ri tshidzwe.+
Ṱhaluso dzi re magumoni a siaṱari
^ Kana “Ḽiḽi.”
^ Kana khamusi, “vhukati.”
^ Thevhedz., “Ita uri tshifhaṱuwo tshau tshi ri penyele.”
^ Thevhedz., “Ita uri tshifhaṱuwo tshau tshi ri penyele.”
^ Ndi Yufuratha.
^ Kana “Tsinde.”
^ Kana “davhi ḽe.”
^ Thevhedz., “Ita uri tshifhaṱuwo tshau tshi ri penyele.”