Dziphisalema 88:1-18
Phisalema. Luimbo lwa vharwa vha Kora.+ Kha mulangi; lu imbiwe nga kuimbele kwa Mahalathi,* lu imbiwe nga u tou sielisana. Masikili* ya Hemani+ wa Muesera.
88 Iwe Yehova, Mudzimu ane a ntshidza,+Nga masiari ndi a vhidzelela,Nga madekwana ndi ḓa phanḓa hau.+
2 Thabelo yanga nga i swike ha iwe,+Sendedza nḓevhe yau* u pfe tshililo tshanga tsha u ṱoḓa thuso.+
3 Ngauri ndo ḓalelwa nga khombo,+Na vhutshilo hanga ho sendela tsini na Vhiḓa.*+
4 Ndi vho vhaliwa na vhane vha khou godimela dindini;*+Ndo no vha munna a sa koni tshithu,*+
5 Ndo litshwa vhukati ha vhafuVhunga vho vhulawaho vho eḓelaho vhiḓani,Vhane u si tsha vha humbulaNa vhe vha itwa uri vha si tsha wana ṱhogomelo yau.
6 Wo mmbea dindini fhasi-fhasi,Fhethu ha swiswi, mugodini.
7 Mbiti dzau dzi khou nndemela,+Wo ntsikeledza nga magabelo au a maanḓa. (Selah)
8 Khonani dzanga wo dzi pandelela kule hanga;+Wo nnyita tshithu tshi nengisaho khavho.
Ndo fashiwa a thi koni u shavha.
9 Ḽiṱo ḽanga a ḽi tsha vhona zwavhuḓi nga u tambula hanga.+
Iwe Yehova, ndi vhidzelela iwe ḓuvha ḽoṱhe;+Ndi imisela zwanḓa zwanga ha iwe.
10 Naa u ḓo itela vho faho zwithu zwi mangadzaho?
Naa vho faho vha nga vuwa vha u renda?+ (Selah)
11 Naa lufuno lwau lu sa shanduki lu nga ḓivhadzwa ngei vhiḓani?
Naa u fhulufhedzea hau hu nga ḓivhadzwa ngei fhethu ha ndozwo?*
12 Naa mishumo yau i mangadzaho i nga ḓivhiwa swiswiniKana u luga hau hu nga ḓivhiwa shangoni ḽa vhathu vho hangwiwaho?+
13 Fhedzi ndi kha ḓi lilela Iwe Yehova ndi tshi ṱoḓa thuso,+Matsheloni maṅwe na maṅwe thabelo yanga i ḓa phanḓa hau.+
14 Iwe Yehova, ndi ngani u tshi nndaṱa?+
Ndi ngani u tshi ndzumbela tshifhaṱuwo tshau?+
15 U bva ndi tshi kha ḓi vha muswa,Ndo tambudzwa lwe nda ṱoḓou fa;+Ndi tshuwiswa nga zwithu zwivhi zwe wa zwi tendela uri zwi ntambudze.
16 Mbiti dzau dzi dugaho dzi a ntsikeledza;+Zwithu zwau zwi ofhisaho zwi a ntshinyadza.
17 Zwo ntanga sa maḓi ḓuvha ḽoṱhe;Zwo ntanga matungo oṱhe.*
18 Khonani dzanga na vhane nda ṱwa navho wo vha pandelela kule hanga;+Swiswi ndi ḽone ḽine nda ṱwa naḽo.
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
^ Sedzani Mutevhe Wa Ṱhalutshedzo Ya Maipfi.
^ Kana “Kwatama u nthetshelese.”
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana “vhiḓani.”
^ Kana “a si na nungo.”
^ Kana “ngei Abadoni.”
^ Kana khamusi, “nga khathihi.”
