Dziphisalema 9:1-20
Kha mulangi; a shumise Muthe-labene.* Luimbo lwa Davida.
א [Aleph]
9 Iwe Yehova, ndi ḓo u renda nga mbilu yanga yoṱhe;Ndi ḓo amba nga ha mishumo yau i mangadzaho.+
2 Ndi ḓo u pembelela ndo takala;Ndi ḓo imbela dzina ḽau thendo, Iwe Wa-Ṱaḓulu-ṱaḓulu.+
ב [Beth]
3 Musi maswina anga a tshi humela murahu,+A ḓo khukhulwa a fa phanḓa hau.
4 Ngauri wo nndamulela nga nḓila yo teaho;Wo dzula kha khuluṋoni yau wa haṱula nga nḓila yo lugaho.+
ג [Gimel]
5 Wo kaidza dzitshaka,+ wa fhelisa vhavhi,Wo phumula madzina avho lini na lini.
6 Swina ḽo fheliswa lwa tshoṱhe;Wo phusukanya miḓi yavho,I ḓo hangwiwa lwa tshoṱhe.+
ה [He]
7 Fhedzi Yehova o dzula kha khuluṋoni lwa tshoṱhe;+O fhaṱa khuluṋoni yawe ya khaṱhulo.+
8 U ḓo haṱula ḽifhasi ḽoṱhe nga u luga;+U ḓo haṱula dzitshaka nga u luga.+
ו [Waw]
9 Yehova u ḓo vha vhukhudo kha vho tsikeledzeaho,+U ḓo vha vhukhudo nga zwifhinga zwa khombo.+
10 Vhoṱhe vhane vha ḓivha dzina ḽau vha ḓo u fhulufhela;+Iwe Yehova, a u nga vhuyi wa ṱutshela vhane vha u ṱoḓa.+
ז [Zayin]
11 Imbelani Yehova thendo, ene o dzulaho Tsioni;Ḓivhadzani vhathu vhoṱhe mishumo yawe.+
12 Ngauri Ane a lifhedzela malofha avho u a vha humbula;+A nga si hangwe tshililo tsha vha tambulaho.+
ח [Heth]
13 Iwe Yehova, nkhathutshele; vhona u tambudzwa hanga nga vhane vha mmbenga,Iwe ane wa nkhumisa khoroni ya lufu,+
14 Uri ndi kone u ḓivhadza mishumo yau yoṱhe i khoḓeaho khoroni dza ṅwananyana wa Tsioni,+Na u takalela mishumo yau ya u tshidza.+
ט [Teth]
15 Tshaka dzo wela dindini ḽe dza ḽi bwa;Milenzhe yadzo yo fashwa nga mambule e dza a dzumba.+
16 Yehova u ḓivhelwa u haṱula hawe.+
Muvhi o fashwa nga mushumo wa zwanḓa zwawe.+
Higayoni.* (Selah)
י [Yod]
17 Vhavhi vha ḓo ya Vhiḓani,*Na tshaka dzoṱhe dzine dza hangwa Mudzimu.
18 Fhedzi mushai ha nga mu hangwi lwa tshoṱhe;+Na fhulufhelo ḽa vho vuḓaho ḽi ḓo dzula ḽi hone.+
כ [Kaph]
19 Iwe Yehova, takuwa! U songo tenda muthu a tshi kunda.
Tshaka nga dzi haṱulwe phanḓa hau.+
20 Iwe Yehova, ita uri dzi dzhenwe nga nyofho,+Ita uri tshaka dzi ḓivhe uri dzi tou vha vhathu zwavho. (Selah)
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
^ Sedzani Mutevhe Wa Ṱhalutshedzo Ya Maipfi.
^ Kana “Sheol.” Sedzani Mutevhe Wa Ṱhalutshedzo Ya Maipfi.
