Dziphisalema 97:1-12
97 Yehova ndi Khosi!+
Ḽifhasi nga ḽi takale.+
Na zwiṱangadzime zwinzhi nga zwi pembele.+
2 O tangwa nga makole na nga swiswi ḽihulu;+Mutheo wa khuluṋoni yawe ndi zwivhuya na khaṱhulo yo teaho.+
3 O rangwa phanḓa nga mulilo+Wa fhelisa maswina awe thungo dzoṱhe.+
4 Lupenyo lwawe lu vhonetshela shango;Ḽifhasi ḽi tshi lu vhona ḽi a tetemela.+
5 Thavha dzi a ṋoka sa phula* phanḓa ha Yehova,+Phanḓa ha Murena wa ḽifhasi ḽoṱhe.
6 Ḽiṱaḓulu ḽi ḓivhadza u luga hawe,Vhathu vhoṱhe vha vhona vhugala hawe.+
7 Vhoṱhe vhane vha gwadamela tshifanyiso tsho vhaḓwaho naho tshi tshifhio kha vha shoniswe.+
Vhane vha zuwa nga midzimu yavho i sa vhuyedzi tshithu.+
Inwi midzimu yoṱhe, mu rabeleni.*+
8 Tsioni u zwi pfa a takala;+Miḓana* ya Yuda i a pembelaNga nṱhani ha khaṱhulo dzau, Iwe Yehova.+
9 Ngauri Iwe Yehova u Wa-Ṱaḓulu-ṱaḓulu ḽifhasini ḽoṱhe;Wo huliswa u fhira miṅwe midzimu yoṱhe.+
10 Inwi vhane na funa Yehova, vhengani zwivhi.+
U tsireledza vhutshilo ha vhane vha fhulufhedzea;+U a vha tshidza zwanḓani zwa vhavhi.+
11 Tshedza tshi vhonetshela vhavhuya+Hu takala vho lugaho.
12 Takalelani Yehova, inwi vhavhuya,Ni livhuwe dzina ḽawe ḽikhethwa.
Ṱhaluso dzi re magumoni a siaṱari
^ Zwi vhonala uri phula yo vha i tshi itwa nga mazhana a ṋotshi ngauri a a ṱavhanya u ṋoka.
^ Kana “gwadameleni.”
^ Thevhedz., “Vhananyana.”