Mirero 6:1-35
6 Ṅwananga, arali wo ḓivhofha uri u ḓo lifha mulandu wa muhura wau,+Arali wo tendelana na mutsinda,+
2 Arali wo fashwa nga zwe wa fhulufhedzisa,Wo fashwa nga zwe wa amba,+
3 Ṅwananga, samusi wo wela zwanḓani zwa muhura wau,Ita hezwi uri u ḓivhofholole:
Iya u ḓiṱukufhadze kha muhura wau, u mu luvheledze nga u ṱavhanya.+
4 U songo eḓela,U songo kumedza.
5 Ḓiponyokise sa ntsa i tshi shavha muzwimi,Sa tshiṋoni tshanḓani tsha murei wa zwiṋoni.
6 Iwe mubva, iya kha lusunzi;+Sedza maitele alwo u ṱalifhe.
7 Naho lu si na mulangi, muḓinḓa kana muvhusi,
8 Lu lugiselela zwiḽiwa zwalwo tshilimo,+Lwa kuvhanganya zwiḽiwa zwalwo nga tshifhinga tsha khaṋo.
9 Iwe mubva, u ḓo eḓela u swika lini?
U ḓo vuwa lini khofheni dzau?
10 U ri: “Khofhenyana, ndi tou zhambu,Ndi putenyana zwanḓa ndi awele,”+
11 Ndi hone vhushai vhu tshi ḓo u ḓela vhunga mbava,Vhusiwana ha u ḓela vhunga munna o ḓiṱamaho.+
12 Muvhi a sa ḓivhalei, u tshimbila a tshi shanda mafhungo;+
13 U a sunyedza nga ḽiṱo ḽawe,+ a kwetedza nga mulenzhe wawe na u sumba-sumba nga minwe yawe.
14 Nga mbilu mmbi,U dzulela u vhamba maano mavhi+ na u vusa khani.+
15 Nga zwenezwo, khombo i ḓo mu wela nga u ṱavhanya;A vunḓea lune a sa ḓo fhola.+
16 Hu na zwithu zwa rathi zwine Yehova a zwi vhenga;Ndi zwithu zwa sumbe zwine zwa mu nengisa:
17 Ndi maṱo a u ḓihudza,+ lulimi lwa mazwifhi+ na zwanḓa zwine zwa shulula malofha a si na mulandu,+
18 Ndi mbilu ine ya vhamba maano mavhi+ na milenzhe ine ya gidimela vhuvhi,
19 Ndi ṱhanzi i si ya ngoho ine ya amba mazwifhi tshifhinga tshoṱhe,+Na ane a luṱanya vhana vha muthu.+
20 Ṅwananga, tevhedza ndaela ya khotsi au,U songo laṱa ndayo* ya mme au.+
21 U dzule wo dzi vhulunga mbiluni yau;U dzi vhofhelele mukuloni wau.
22 Musi u tshi tshimbila, dzi ḓo u livhisa;Musi u tshi eḓela, dzi ḓo u linda;Musi u tshi vuwa, dzi ḓo amba na iwe.*
23 Ngauri ndaela ndi ḓenzhe,+Mulayo ndi luvhone,+U kaidzwa na u laiwa ndi yone nḓila ya vhutshilo.+
24 Zwi ḓo u linda kha mufumakadzi muvhi,+Kha lulimi lu ungeledzaho lwa mufumakadzi wa u ḓifara luvhi.+
25 Mbilu yau i songo tama lunako lwawe+Kana wa tenda a tshi u kunga nga maṱo awe ane a ungeledza,
26 Nga nṱhani ha mufumakadzi ane a rengisa muvhili, munna u shaya zwiḽiwa,+Fhedzi mufumakadzi wa muṅwe munna u ḓo ita uri u xelelwe nga vhutshilo.
27 Naa muthu a nga okela mulilo khanani yawe, zwiambaro zwawe zwa si swe?+
28 Kana naa muthu a nga tshimbila nṱha ha maxale* a fhisaho, milenzhe yawe i si swe?
29 Zwo tou ralo kha ane a ita zwa vhudzekani na mufumakadzi wa muhura wawe;Ane a mu kwama ha nga litshi u pfiswa vhuṱungu.+
30 Vhathu a vha vhengi mbavaArali i tshi tswiswa nga u vha na nḓala.
31 Fhedzi musi i tshi waniwa i ḓo lifha lwa sumbe;I ḓo bvisa na zwithu zwoṱhe zwa ndeme nḓuni yayo.+
32 Ane a ita vhupombwe ndi tsilu;Ane a ita zwenezwo u a ḓitshinya.+
33 Tshine a ḓo tshi wana ndi mbonzhe na u nyadziwa fhedzi,+U nyadziwa hawe a hu nga fheli.+
34 Ngauri vivho ḽi ita uri munna a sinyuwe;A nga si pfele vhuṱungu musi a tshi lifhedza.+
35 A nga si ṱanganedze tshipfumelelo;*A nga si fhembeledzee, naho tshifhiwa tshi tshihulu lungafhani.
Ṱhaluso dzi re magumoni a siaṱari
^ Kana “mulayo.”
^ Kana “u gudisa.”
^ Kana “masimbe.”
^ Kana “tshirengululi.”
