Kha Vhaefesa 6:1-24
6 Vhana, thetshelesani vhabebi+ vhaṋu u tendelana na zwine Murena a zwi funa, ngauri zwo luga.
2 “Hulisa khotsi au na mme au,”+ ndi wone mulayo wa u thoma u tshimbidzanaho na zwe zwa fhulufhedziswa, hu tshi pfi:
3 “Uri zwi u tshimbilele,* u tshile tshifhinga tshilapfu kha ḽifhasi.”
4 Vhokhotsi, ni songo sinyusa vhana vhaṋu,+ fhedzi vha aluseni, ni tshi vha laya+ na u vha ṱuṱuwedzela* zwa Yehova.*+
5 Vhalanda, thetshelesani vhaṋe+ vhaṋu nga mbilu yoṱhe, ni tshi ofha ni tshi khou tetemela, zwi nge ni shumela Kristo,
6 ni songo zwi itela u vhonwa uri ni takadze vhathu,+ fhedzi ni thetshelese sa vhalanda vha Kristo, ni ite zwi funwaho nga Mudzimu nga mbilu yoṱhe.+
7 Ni shumele muṋe waṋu no takala, zwi nge ni khou shumela Yehova,*+ hu si vhathu,
8 ngauri ni a zwi ḓivha uri Yehova* u ḓo ni lambedza+ nga nṱhani ha zwivhuya zwe na zwi ita, hu sa londwi uri ni mulanda kana a ni mulanda.
9 Na inwi vhaṋe ni fare vhalanda nga nḓila i fanaho, ni songo vha shushedza, ngauri ni a ḓivha uri inwi na vhalanda vhaṋu ni na Muṋe muthihi a re ngei ṱaḓulu,+ a sa ṱaluli.
10 Ndi fhedza nga uri ni dzule ni tshi wana maanḓa+ a bvaho kha Murena, ngauri u na maanḓa mahulu.
11 Ambarani zwithu zwa u ḓitsireledza nndwani+ zwi bvaho kha Mudzimu, uri ni kone u imedzana na vhukwila ha Diabolo;
12 ngauri a ri khou lwa+ na vhathu,* fhedzi ri lwa na mivhuso na vhavhusi vhane vha vhusa ḽino shango ḽi re swiswini, vhenevho ndi madimoni+ a re ṱaḓulu.
13 Ndi ngazwo ni tshi tea u ambara zwithu zwa u ḓitsireledza nndwani zwi bvaho kha Mudzimu,+ uri ni kone u ḓilwela nga ḓuvha ḽivhi, musi no no ita zwenezwo zwoṱhe, ni ḓo kona u ima no khwaṱha.
14 Nga zwenezwo, imani no khwaṱha, ngoho i yone bannda ḽe na ḓivhofha ngaḽo khunduni,+ no tsireledza khana nga u luga,+
15 milenzheni no ambara thovho* no lugela u ḓivhadza mafhungo maḓifha a mulalo.+
16 Zwiṅwe hafhu, ni fare tshiṱangu tshihulu tsha lutendo,+ tshine na ḓo kona u dzima ngatsho misevhe yoṱhe i dugaho ya muvhi.+
17 Ni ambare na gondolo ḽa u tshidza,+ ni fare banga ḽa muya mukhethwa, ḽine ḽa vha ipfi ḽa Mudzimu.+
18 Tshifhinga tshoṱhe ni dzule ni tshi rabela+ ni tshi livhiswa nga muya wa Mudzimu,+ ni tshi rabela na u humbela nga nḓila dzoṱhe. Ni dzule no fhaṱuwa ni tshi humbelela vhakhethwa vhoṱhe.
19 Ni rabelele na nṋe, uri ndi kone u amba ndi sa ofhi, ndi tshi ḓivhadza tshiphiri tshikhethwa tsha mafhungo maḓifha,+
20 ane nda a imelela+ naho ndo vhofhiwa nga ngeḓane, uri ndi ambe nga hao nga tshivhindi nga nḓila ine nda tea u amba ngayo.
21 Wahashu Tixiko+ a funwaho, ane a shumela Murena nga u fhulufhedzea, u ḓo ni vhudza zwoṱhe nga ha nṋe na zwine nda khou ita.+
22 Ndi ngazwo ndi tshi khou mu ruma, uri ni ḓivhe nga ha riṋe na uri a ni khuthadze.
23 Vhahashu, ngavhe Mudzimu ane a vha Khotsi ashu na Murena Yesu Kristo vha tshi ita uri ni vhe na mulalo, lufuno na lutendo.
24 Ngavhe vhoṱhe vhane vha funa Murena washu Yesu Kristo zwa vhukuma vha tshi sumbedzwa vhuthu vhuhulu.
Ṱhaluso dzi re magumoni a siaṱari
^ Kana “Uri u bvelele.”
^ Kana “u vha eletshedza.”
^ Thevhedz., “ṋama na malofha.”
^ Kana “phashane, navhula.”
