Yesaya 1:1-31
1 Bono ḽe Yesaya*+ murwa wa Amotsi a ḽi vhona ḽi kwamaho Yuda na Yerusalema, musi Usia,+ Yothamu,+ Ahasi+ na Hiskia+ vhe mahosi a Yuda ndi heḽi:+
2 Thetshelesa Iwe ḽiṱaḓulu, thetshelesa Iwe ḽifhasi,+Ngauri Yehova o amba a ri:
“Ndo alusa vhana,+Fhedzi vho ntshandukela.+
3 Mboho i ḓivha muṋe wayo zwavhuḓi,Donngi i ḓivha hune muṋe wayo a i ṋea hone zwiḽiwa;Fhedzi Isiraele ha nḓivhi,*+Vhathu vhanga a vha pfesesi.”
4 Khombo kha lushaka lu re na tshivhi,+Vhathu vho lemelwaho nga vhukhakhi,Mbeu ya vhavhi, vhana vho tshinyalaho!
Vho laṱa Yehova;+Vho nyadza Mukhethwa wa Isiraele;Vho mu shandukela.
5 Samusi ni tshi khou isa phanḓa na vhushandukwa haṋu, ho sala ngafhi hune na nga rwiwa hone?+
Ṱhoho yoṱhe yo ḓala mbonzhe,Na mbilu i a lwala.+
6 U bva mulenzheni u swika ṱhohoni, a hu na tshi re na mutakalo.
Hu na mbonzhe, ho zwimba, hu na zwilondaA zwo ngo alafhiwa* kana u vhofhiwa kana u ḓodziwa mapfura.+
7 Shango ḽau ndi mashubi.
Miḓi yau yo swa nga mulilo.
Vhatsinda vho u dzhiela shango u tshi zwi vhona.+
Ḽi tou nga shango ḽo tshinyadzwaho nga vhatsinda.+
8 Ṅwananyana wa Tsioni o siiwa sa thumba tsimuni ya minḓirivhe,Sa kuḓu tsimuni ya khukhamba,Sa muḓi wo tangiwaho.+
9 Arali Yehova wa mavhuthu a songo ri siela vhathu vha si gathi,Ro vha ri tshi ḓo fana na Sodoma,Ro vha ri tshi ḓo fana na Gomora.+
10 Inwi vhavhusi vha tshiṱuhu vha Sodoma,+ ipfani ipfi ḽa Yehova.
Inwi vhathu vha Gomora,+ thetshelesani mulayo* wa Mudzimu washu.
11 Yehova u ri: “Zwiṱhavhelo zwaṋu zwinzhi zwi mmbuyedza ngani?”+
“A thi tsha ṱoḓa zwifhiwa zwaṋu zwa thutha+ dzo fhiswaho na mapfura a zwifuwo zwo nonaho,+A thi takaleli malofha+ a mbohwana+ na ngwana na mbudzi.+
12 Musi ni tshi ḓa phanḓa hanga,+Ndi nnyi we a ri ni ite zwenezwo,Ni kandekanye miṱa yanga?+
13 Ni songo tsha ḓisa zwifhiwa zwa thoro zwi sa vhuyedzi tshithu.
Zwioro zwaṋu zwi a nnengisa.+
Vhuṱambo ha miṅwedzi miswa,+ dzisavhatha+ na u vhidza zwivhidzo+Ndi nga si konḓelele u shumiswa ha manditi+ muṱanganoni mukhethwa.
14 Ndi vhenga vhuṱambo haṋu ha miṅwedzi miswa;Ho no vha muhwalo kha nṋe;Ndo no neta nga u vhu konḓelela.
15 Musi ni tshi imisa zwanḓa zwaṋu,A thi nga ni lavhelesi.+
Naho ni tshi nga rabela lunzhi-lunzhi,+A thi nga ni thetshelesi;+Ngauri zwanḓa zwaṋu zwo ḓala malofha.+
16 Ṱambani ni ḓikunakise;+Bvisani mishumo yaṋu mivhi phanḓa hanga;Litshani u ita zwithu zwivhi.+
17 Gudani u ita zwithu zwavhuḓi, haṱulani nga nḓila yo teaho,+Kaidzani ane a tsikeledza vhaṅwe,Lwelani ndugelo dza ṅwana a si na khotsi,*Ni imelele tshilikadzi.”+
18 Yehova u ri: “Iḓani ri dzudzanye mafhungo.”+
“Naho zwivhi zwaṋu zwo tswuka sa malofha,Zwi ḓo tshena u fana na mahaḓa;+Naho zwo tswuka sa labi ḽitswuku,*Zwi ḓo tshena u fana na wuḽu.
19 Arali no ḓiimisela na thetshelesa,Ni ḓo ḽa zwithu zwavhuḓi zwa shango.+
20 Arali na hana na ntshandukela,Ni ḓo vhulawa nga banga,+Ngauri Yehova u ralo.”
21 Muḓi we wa vha u tshi fhulufhedzea+ wo vha phombwe!+
Wo vha u tshi haṱula nga nḓila yo teaho;+Zwivhuya zwo vha zwi tshi dzula khawo,+Fhedzi zwino hu dzula vhavhulayi.+
22 Siḽiva yaṋu yo no vha tshika,+Halwa haṋu ho ṱanganyiswa na maḓi.
23 Vhakololo vhaṋu vha na tshikhuna, vha konana na dzimbava.+
Vhoṱhe vha funa zwa tshanḓanguvhoni, vha ṱoḓa zwifhiwa.+
Vha haṱula vhana vha si na khotsi* nga nḓila i songo teaho,Mulandu wa tshilikadzi a u swiki khavho.+
24 Ngauralo, Murena wa ngoho, Yehova wa mavhuthu,Ramaanḓaoṱhe wa Isiraele, o ri:
“Ndi ḓo fhelisa maswina anga,Ndi ḓo ḓilifhedzela kha maswina anga.+
25 Ndi ḓo ni pfisa vhuṱungu,Ndi ḓo ṱanzwa tshika yaṋu zwa nga yo ṱanzwiwa nga tshisibe,Ndi ḓo ni bvisa tshika yaṋu yoṱhe.+
26 Ndi ḓo vhuyedzedza vhahaṱuli vhaṋu u fana na u thomaniNa vhaeletshedzi vhaṋu u fana na u thomani.+
Nga murahu ha zwenezwi ni ḓo vhidzwa Muḓi wa Zwivhuya, Muḓana u Fhulufhedzeaho.+
27 Tsioni u ḓo rengululwa nga khaṱhulo yo teaho,+Vhathu vhawe vho vhuyaho vha ḓo rengululwa nga zwivhuya.
28 Mashandukwa na vhaitazwivhi vha ḓo fheliswa vhoṱhe,+Na vhane vha ṱutshela Yehova vha ḓo fheliswa.+
29 Vha ḓo shona musi vha tshi vhona miri mihulu ye na vha ni tshi i tama,+Ni ḓo shona musi ni tshi vhona masimu* e na ḓinangela one.+
30 Ngauri ni ḓo nga muri muhulu wo putaho maṱari,+Ni ḓo nga tsimu i sa sheledzwi.
31 Munna a re na maanḓa u ḓo nga wuḽu,Mushumo wawe u ḓo nga ṱhase;Munna a re na maanḓa u ḓo fhiswa nga mulilo khathihi na mushumo wawe,Hu si vhe na ane a u dzima.”
Ṱhaluso dzi re magumoni a siaṱari
^ Zwine zwa amba uri “U Tshidza Ha Yehova.”
^ Kana “ha ḓivhi muṋe wawe.”
^ Thevhedz., “hamulwa.”
^ Kana “ndayo.”
^ Kana “tshisiwana.”
^ Kana “muridili.”
^ Kana “zwisiwana.”
^ Zwi vhonala u nga miri na masimu zwi tshimbidzana na vhurabeli ha midzimu ya zwifanyiso.
