Yesaya 17:1-14
17 Khaṱhulo ya Damaseko ndi heyi:+
“Damaseko a u tsha ḓo vha muḓi,U ḓo vha mashubi.+
2 Miḓi ya Aroere+ i ḓo vha mashubi;I ḓo vha fhethu hune masambi a ladzwa honeHu si na ane a a tshuwisa.
3 Ngei Efuraimi+ a hu tsha ḓo vha na miḓi yo tsireledzwaho nga mbondo,Na muvhuso wa Damaseko+ a u tsha ḓo vha hone;Na vho salaho SiriaVha ḓo itwa zwe zwa itwa vhugala ha Vhaisiraele,”* u ralo Yehova wa mavhuthu.
4 “Nga ḽeneḽo ḓuvha vhugala ha Yakobo vhu ḓo fhungudzea,Na muvhili wawe wo takalaho u ḓo onda.
5 Zwi ḓo tou nga musi mukaṋi a tshi kaṋa thoroA tshi kaṋa ṱhotshe nga tshanḓa tshawe,U fana na muthu ane a kaṋa thoro Govhani ḽa Refaimi.+
6 Hu ḓo sala ṱhalane fhedzi,U fana na musi muṱwari wo no kuvha:
Hu ḓo sala ṱhwari mbili kana tharu dzo vhibvaho kha tavhi ḽi re nṱha-nṱha,Hu ḓo sala ṱhwari nṋa kana ṱhanu kha matavhi ane a aṋwa,”+ u ralo Yehova Mudzimu wa Isiraele.
7 Nga ḽeneḽo ḓuvha muthu u ḓo fhulufhela Musiki wawe, maṱo awe a sedza Mukhethwa wa Isiraele.
8 Ha tsha ḓo fhulufhela aḽeṱare+ dze a dzi ita nga zwanḓa zwawe;+ ha tsha ḓo sedza zwe minwe yawe ya ita, naho hu thanda khethwa* kana hune ha ṱomiwa zwioro.
9 Nga ḽeneḽo ḓuvha miḓi yawe yo tsireledzwaho nga mbondo i ḓo fana na mashubi a re ḓakani,+U fana na tavhi ḽo laṱwaho musi Vhaisiraele vha sa athu u swika;I ḓo vha mashubi.
10 Ngauri wo hangwa Mudzimu+ ane a u tshidza;Wo konḓelwa u humbula Tombo+ ḽine wa khuda ngaḽo.
Ndi ngazwo u tshi lima tsimu yo nakahoWa ṱavha zwimela zwa mutsinda* khayo.
11 Nga ḽeneḽo ḓuvha u ḓo itela tsimu yau luhura,Nga matsheloni wa ita uri mbeu yau i mele,Fhedzi a hu na tshine wa ḓo kaṋa ngauri u ḓo vha u tshi khou lwala, u tshi khou pfa vhuṱungu vhu sa fholi.+
12 Thetshelesa! Hu na phosho ya vhathu vhanzhi,Vhane vha ita phosho sa lwanzhe!
Tshaka dzo vusa bonyongo,Phosho yadzo i nga muungo wa maḓi manzhi!
13 Tshaka dzi ḓo ita phosho ine ya nga muungo wa maḓi manzhi.
U ḓo dzi kaidza, dzi ḓo shavhela kule,Wa dzi pandamedza u nga mungu u tshi hwalwa nga muya wa dzithavhani,U fana na mipfa yo hwalwaho nga tshiḓumbumukwe.
14 Nga madekwana hu na zwi ofhisaho.
Ḽi sa athu u tsha wa wana zwi si tsheeho.
Ndi zwine zwa itwa vhane vha khou ri thubaNdi wone mukovhe wa vhane vha ri dzhiela thundu.
Ṱhaluso dzi re magumoni a siaṱari
^ Thevhedz., “vharwa vha Isiraele.”
^ Sedzani Mutevhe Wa Ṱhalutshedzo Ya Maipfi.
^ Kana “mudzimu wa mazwifhi.”