Yesaya 34:1-17
34 Sendelani tsini ni pfe, inwi dzitshaka,Thetshelesani, inwi vhathu.
Ḽifhasi na zwi re khaḽo nga zwi thetshelese,Shango na zwibveledzwa zwaḽo zwoṱhe.
2 Ngauri Yehova o sinyutshela tshaka dzoṱhe,+O halifhela mavhuthu adzo oṱhe.+
U ḓo a fhelisa;U ḓo a vhulaya.+
3 Vhe vha vhulawa vha ḓo laṱwa,Zwitumbu zwavho zwi ḓo nukha;+Thavha dzi ḓo elela malofha avho.+
4 Mavhuthu oṱhe a ṱaḓulu a ḓo sina,Ḽiṱaḓulu ḽi ḓo pombiwa sa mupombo.
Mavhuthu aḽo oṱhe a ḓo puta,U fana na ṱari ḽo putaho ḽi tshi wa kha munḓirivheNa fuyu* ḽo omaho* ḽi tshi wa kha muhuyu.
5 “Ngauri banga ḽanga ḽi ḓo ḓala malofha ngei ṱaḓulu.+
Ḽi ḓo tsela u haṱula Edomo,+Kha vhathu vhe nda ḓiimisela u vha fhelisa.
6 Yehova u na banga; ḽi ḓo ḓala malofha.
Ḽi ḓo ḓala mapfura,+Na malofha a ngwana dza nduna na a mbudzi,Na mapfura a tswio dza thutha.
Ngauri Yehova o ita tshiṱhavhelo ngei Bosira,Bulayo ḽihulu ngei shangoni ḽa Edomo.+
7 Ṋari dzi ḓo tsa navho,Mbohwana dzi ḓo tsa na mboho dzi re na maanḓa.
Shango ḽavho ḽi ḓo ḓala malofha,Mavu avho a ḓo ḓala mapfura.”
8 Yehova o vhea ḓuvha ḽa u lifhedza,+Ṅwaha wa u lifhedzela Tsioni.+
9 Milambwana yawo* i ḓo elela tshigonṱiri,Mavu awo a ḓo vha tsevhela,Na shango ḽa hone ḽi ḓo nga tshigonṱiri tshi dugaho.
10 Tshi nga si dzimiwe vhusiku kana masiari;Vhutsi hatsho vhu ḓo dzula vhu tshi duba lini na lini.
U ḓo dzula wo tshinyadzwa kha murafho na murafho;A hu na ane a ḓo fhira khawo lini na lini.+
11 U ḓo dzulwa nga ḽiṋulakhovhe na nungu,Magwitha na mafunguvhu a ḓo dzula khawo.
U ḓo u kala nga luṱale na nga tshishumiswa tsha u kala tshi re na luṱaleUri a sumbedze uri wonoyo muḓi u ḓo sala u si na tshithu na uri u ḓo fheliswa.
12 Kha vharangaphanḓa vhawo a hu na ane a ḓo vha khosi,Vhakololo vhawo a vha tsha ḓo vha hone.
13 Mipfa i ḓo mela kha mitsheṱo yawo yo khwaṱhaho,Dzhavheloni ḽawo hu ḓo mela zwiṱaka zwa mipfa na tsheṋe i ṱhavhaho.
U ḓo vha haya ha dziphunguwe,+Na vhudzulo ha dzimphwe.
14 Zwipuka zwa sogani zwi ḓo kuvhangana na maṱarelwa,*Mbudzi ya ḓaka* i ḓo vhidzelela iṅwe.
Gwitha ḽi ḓo dzula na u awela henefho.
15 Ṋowa i ḓo dzula henefho, ya kudzela makumba,I ḓo a thothonya, ya a tsireledza.
Lurwanzhivha lwa tshiduna na lwa tshisadzi zwi ḓo dzula henefho.
16 Sedzani buguni ya Yehova, ni i vhalele nṱha:
A hu na na tshithihi tshine tsha ḓo ṱahela;A hu na tshiduna tshine tsha ḓo shaya tshisadzi,Ngauri yeneyi ndaela i bva mulomoni wa Yehova,Zwo kuvhanganywa nga muya wawe.
17 Ndi Ene we a zwi itela madeṅwa,Ndi ene we a zwi elela vhudzulo hazwo nga tshanḓa tshawe.
Zwi ḓo dzula henefho lini na lini;Zwi ḓo dzula henefho lwa mirafho yoṱhe.
Ṱhaluso dzi re magumoni a siaṱari
^ Kana “huyu.”
^ Kana “moḓaho.”
^ Zwi khagala uri zwi ambela kha Bosira, musanda wa Edomo.
^ Kana “mmbwa dza ḓaka.”
^ Kana khamusi, “Dimoni ḽine ḽa fana na mbudzi.”
