“Maṅwalo oṱhe o hevhedzwa nga Mudzimu.”​—2 Timotheo 3:16, Bivhili ya Ṱhalutshedzelo Ya Shango Ḽiswa.

Ni ḓo wana phindulo dzi fushaho dza mbudziso dzaṋu.​—Mirero 2:1-5.

Ni ḓo wana vhulivhisi vhune na nga vhu shumisa vhutshiloni haṋu.​—Phisalema 119:105.

Ni ḓo vha na fhulufhelo ḽa vhumatshelo.​—Vharoma 15:4.

Ee, ri nga tenda nga nṱhani ha zwiitisi zwiraru:

• Bivhili i a tendelana. Vhathu vha ṱoḓaho u vha 40 vho fhedza miṅwaha ya 1 600 vha tshi khou ṅwala Bivhili. Vhunzhi havho vho vha vha sa ḓivhani. Fhedzi Bivhili yoṱhe i a tendelana nahone i na mulaedza muthihi!

• I amba ngoho nga ha zwithu zwo iteaho kale. Kanzhi vhane vha ṅwala nga ha zwo iteaho kale vha a dzumba mafhungo a u kundwa ha vhathu vha havho. Vhaṅwali vha Bivhili vho ita zwo fhambanaho na zwenezwo, vho ṅwala mafhungo oṱhe a vhukhakhi havho na ha lushaka lwavho.​—2 Koronika 36:15, 16; Phisalema 51:1-4.

• Zwine ya porofita zwi a itea. Bivhili yo dzula yo amba nga ha u fheliswa ha muḓi wa Babele hu tshee ho sala miṅwaha i ṱoḓaho u vha 200. (Yesaya 13:17-22) A yo ngo sokou amba nḓila ine wa ḓo fheliswa ngayo, fhedzi yo dovha ya amba na dzina ḽa muthu we a vha a tshi ḓo u kunda!​—Yesaya 45:1-3.

  Hu na vhuporofita vhunzhi vhu re Bivhilini he ha itea. Zwenezwi zwi itea ngauri Bivhili ndi Ipfi ḽa Mudzimu!​—2 Petro 1:21.